1 Samuel 7:7 - BIBLIA - traduson antigu in Krioulo

⁷ Oca ku filisteus obi kuma fijus di Israel juntaba na Mizpá, ŝefis di filisteus sai pa bai geria kontra Israel. Oca ku fijus di Israel obi ki kusa, e fika ku medu di filisteus.

1 Samuel 7:7 ပူးပေါင်းရင်းမြစ်များ

2 Kronikas 20:3

Jeosafá panta, i pui sintidu na buska SIÑOR, i anunsia junjun na tudu Judá.

Saida 14:10

Oca ku Faraó na pertu, fijus di Israel jubi, e oja ejipsius na bin se tras; e panta dimas, e grita pa SIÑOR.

1 Samuel 13:6

Oca omis di Israel oja kuma e sta mal (pabia tropas staba pertadu), utrus bai sukundi na kavernas, utrus na matu, utrus na metadi di pedras garandi, na abrigus o na fontis.

1 Samuel 17:11

Oca Saul ku tudu Israel obi ki palabra di filisteu, e panta, e medi dimas.