1 Samuel 7:14 - BIBLIA - traduson antigu in Krioulo

¹⁴ Prasas ku filisteus tomaba e ribantadu pa Israel. Desdi Ekron te Gat, Israel liberta si frontera na mon di filisteus. I tenba pas na metadi di Israel ku amoreus.

1 Samuel 7:14 ပူးပေါင်းရင်းမြစ်များ

1 Kronikas 18:1

Dipus di kila, Davi torna ngaña filisteus, i domina elis, i roba elis prasa di Gat ku si tabankas na roda.

Salmus 106:34

E ka bin kaba ku ki nasons ku SIÑOR fala pa kaba ku elis,

Numerus 13:29

Amalekitas mora na ladu di sul; eteus, jebuseus ku amoreus e mora na montaña; kananeus mora lungu di mar, tambi lungu di riu Jordon.”

Ripitison di Lei 7:16

Bu ten ku kaba ku tudu rasas ku SIÑOR bu Deus ntrega na bu mon; ka bu mostra pena pa elis, nin ka bu sirbi se deusis, pabia kila i ta sedu lastru pa bo.

Ripitison di Lei 7:2

Ora ku SIÑOR bu Deus ntrega elis na bu mon pa bu ngaña elis, bu ten ku mata elis tudu. Ka bu fasi kontratu ku elis, nin ka bu ten pena delis.

Josué 10:5

Asin ki sinku rei di amoreus junta, ku sedu reis di Jerusalen, Ebron, Jarmut, Lakís ku Eglon, ku tudu se tropas, e taja Jibeon e atakal.

Josué 15:11

I bai pa ladu di norti di Ekron, i vira pa Sikeron, i pasa pa monti di Baalá, i ciga na Jabneel; asin frontera kaba na mar.

Ŝefis 4:17

Ma Sísera kuri pa tenda di Jael, minjer di Eber, ki keneu, pabia i tenba pas na metadi di Jabin, rei di Azor, ku familia di Eber, keneu.