1 Samuel 6:3 - BIBLIA - traduson antigu in Krioulo

³ E fala: “Si bo na ribanta arka di Deus di Israel, bo ka na ribantal sin nada, ma sin falta bo na manda SIÑOR un oferta pa tira bo kulpa. Asin bo na kuradu, bo na bin sibi pabia di ke ki ka tira si mon riba di bos.”

1 Samuel 6:3 ပူးပေါင်းရင်းမြစ်များ

Jo 10:2

N na fala Deus: Ka bu kondenan; kontan pa N sibi ke ku bu tene kontra mi.

Saida 23:15

“Bu na guarda festival di pon sin fermentu. Suma ku N falau ja, bu na kume pon sin fermentu pa seti dia na tempu ku N marka na mis di Abib, pabia i na ki mis ku bu sai na Ejitu. Ka ningin bin ña dianti mon limpu.

Saida 34:20

Ma buru ku yabri bariga, bu na torkial ku fiju di karnel. Si bu ka torkial, bu ta kebral garganti. “Tudu bo purmeru fiju, bo na torkial. “Ningin ka dibi di bin ña dianti mon limpu.

Saida 8:15

Oca Faraó oja kuma tera ten diskansu, i torna ntema, i nega obi Moisés ku Aron, suma ku SIÑOR falaba ja.

Sirmonias 5:6

Pa purdon di ki pekadu ki fasi, i na tisi pa SIÑOR un fiju femia di karnel o di kabra, suma oferta pa pekadu. Saserdoti na fasi sakrifisiu pa el pa si pekadu pudi purdadu.

Sirmonias 6:6

Suma oferta, i ten ku leba pa SIÑOR un karnel macu di koral, sin difeitu, konformi balur ku bu pui nel, suma oferta pa kulpa. I na lebal pa saserdoti.

Ripitison di Lei 16:16

Tudu omi ten ku pursenta dianti di SIÑOR bu Deus tris bias kada anu, na kau ku SIÑOR kuji: na festival di pon sin fermentu, festival di semanas ku festival di barakas. E ka na pursenta na ki festival dianti di SIÑOR mon limpu.

1 Samuel 5:11

E manda junta tudu ŝefis di filisteus, e fala: “Bo ribanta arka di Deus di Israel pa si lugar, pa i ka matanu, tudu ku no jinti.” Pabia mortu inci tudu prasa tok jinti panta; mon di Deus staba pisadu dimas la.

1 Samuel 5:7

Oca ku omis di Asdod oja e kusa ku na kontisi, e fala: “Arka di Deus di Israel ka pudi fika ku nos, pabia si mon pisadu riba di nos, tambi riba di Dagon, no deus.”

1 Samuel 5:9

Oca ke lebal pa Gat, mon di SIÑOR staba kontra ki prasa tok e panta; i kastiga jinti di ki prasa, desdi mininu te garandi; e teneba tumoris.

1 Samuel 6:8

Bo toma arka di SIÑOR, bo pul riba di kareta; lungu del bo ta pui un mala ku tene ki figuras di uru ku bo na manda suma oferta pa tira kulpa. Asin bo ta mandal pa i bai,

1 Samuel 6:9

bo ba ta jubi. Si i pega kamiñu pa tera di Israel na ladu di Bet-Semes, no ta sibi kuma i el ku fasinu e garandi mal. Si i ka asin, no na sibi kuma i ka si mon ku tokanu, ma e kusa kontisinu son asin.”