1 Samuel 6:14 - BIBLIA - traduson antigu in Krioulo

¹⁴ Kareta bai pa lugar di Josué di Bet-Semes, i bai para la lungu di un pedra garandi. Jinti bai findi ki madera di kareta, e sakrifika ki bakas pa SIÑOR suma oferta kemadu.

1 Samuel 6:14 ပူးပေါင်းရင်းမြစ်များ

2 Samuel 24:18

Na ki mesmu dia Gad bai pa Davi, i falal: “Subi pa kau di masa arus di ki jebuseu Arauna, bu kumpu altar pa SIÑOR la.”

2 Samuel 24:22

Arauna fala Davi: “Ñu Rei pudi toma tudu ki misti pa sakrifika. Ali turus pa oferta kemadu, ku se kangas ku pos di masa pa fasi leña.”

2 Samuel 24:25

i kumpu altar pa SIÑOR la, i sakrifika ofertas kemadu ku ofertas di pas. Asin SIÑOR ruspundi orason pa tera; ki duensa ku na kastigaba Israel i para.

1 Reis 19:21

Asin i riba, i toma si dus turu, i mata elis; i fasi ki kanga di turu pa i sedu leña pa kusña karni. I da pobu karni; e kume. Dipus i lanta i pega tras di Elias, i sedu si judadur.

Saida 20:24

“Kumpun un altar di lama; riba del bu na da bu ofertas kemadu, ofertas di pas, bu karnelis ku bakas. Na tudu kau ku N kuji pa bu fasin sirmonia pa lembra di ña nomi, N na bin pa bo, N na bensuau.

Ŝefis 21:4

Parmaña di utru dia pobu lanta, e kumpu un altar, e sakrifika ofertas kemadu ku ofertas di pas.

Ŝefis 6:26

bu kumpu utru altar pa SIÑOR bu Deus riba di ki lugar forti, suma ku altar di SIÑOR ta kumpudu. Bu na toma ki sugundu turu, bu pursental suma sakrifisiu kemadu, ku leña di ki po sagradu ku bu na korta.”

1 Samuel 11:5

Saul na saiba ja na lugar ku si turus; i punta: “Ke ku ten ku jinti na cora?” E kontal ki rekadu di omis di Jabes.

1 Samuel 20:29

i falan: ‘N pidiu pa bu disan bai, pabia no familia tene un sakrifisiu na prasa; ña ermon manda falan pa N bai. Si N oja fabur bu dianti, bu ta disan bai jubi ña ermons.’ E ku manda i ka bin kume ku rei.”

1 Samuel 6:13

Jinti di Bet-Semes staba na kebur di trigu na kobon; e yalsa uju, e oja arka, e fika kontenti pa ojal.

1 Samuel 6:18

Ki ratus di uru tambi e sedu konformi numeru di prasas fortifikadu ku pertensi ki sinku ŝef di filisteus, tudu ku se tabankas na roda. Ki pedra garandi ke puiba arka di SIÑOR riba del i sta la te aos na lugar di Josué di Bet-Semes.