1 Samuel 5:8 - BIBLIA - traduson antigu in Krioulo

⁸ Asin e manda junta tudu ŝefis di filisteus, e punta: “Ke ku no na fasi ku arka di Deus di Israel?” E ruspundi: “Arka di Deus di Israel na lebadu pa Gat.” Asin e lebal la.

1 Samuel 5:8 ပူးပေါင်းရင်းမြစ်များ

1 Kronikas 7:21

Zabad ku Sutela. Efrain padi mas dus fiju ku sedu Ezer ku Elead ma, oca ke bai pa furta limarias na con di Gat, omis di la mata elis.

Amos 6:2

Bo bai pa Kalné, bo jubi; di la bo ta bai pa prasa garandi di Amat; dipus bo ta ria pa Gat, prasa di filisteus. Nta bo sedu minjor di ki ki renus? O bo tera i mas garandi di ki di selis?

Zakarias 12:3

Na ki dia, N na pui Jerusalen pa i sedu pedra pisadu pa tudu nasons. Tudu kilis ku misti cigantal e na molosta. Tudu nasons di mundu na junta kontra el.

Josué 13:3

desdi riu Sior, ku sta na frontera di Ejitu, te na Ekron, mas pa norti (e con, i ta faladu ki sedu di kananeus, ma reis di filisteus ta moraba na Gaza, Asdod, Askelon, Gat ku Ekron), ku tera di aveus;

Josué 15:11

I bai pa ladu di norti di Ekron, i vira pa Sikeron, i pasa pa monti di Baalá, i ciga na Jabneel; asin frontera kaba na mar.

1 Samuel 17:4

Un kampion comadu Golias sai na kampamentu di filisteus, un omi di Gat, ku teneba kuas tris metru di kumprimentu.

1 Samuel 17:52

Omis di Israel ku di Judá lanta, e grita, e serka filisteus tok e ciga na kobon, e bai te na porton di Ekron. Filisteus kai firidu na tudu kamiñu ku ta bai pa Saarain, te Gat ku Ekron.

1 Samuel 29:6

Asin Akis coma Davi i falal: “Pa vida di SIÑOR N sibi kuma abo i bon algin. N kontenti ku manera ku bu yanda ku mi na sirvis di tropa, pabia N ka oja nin mal na bo disna di dia ku bu bin pa mi te aos, ma kumandantis ka kontenti ku bo.

1 Samuel 5:11

E manda junta tudu ŝefis di filisteus, e fala: “Bo ribanta arka di Deus di Israel pa si lugar, pa i ka matanu, tudu ku no jinti.” Pabia mortu inci tudu prasa tok jinti panta; mon di Deus staba pisadu dimas la.

1 Samuel 5:7

Oca ku omis di Asdod oja e kusa ku na kontisi, e fala: “Arka di Deus di Israel ka pudi fika ku nos, pabia si mon pisadu riba di nos, tambi riba di Dagon, no deus.”

1 Samuel 6:2

filisteus manda coma saserdotis ku jambakusis, e punta elis: “Ke ku no na fasi ku arka di SIÑOR? Bo kontanu kuma ku no pudi ribantal pa si lugar.”