1 Samuel 5:10 - BIBLIA - traduson antigu in Krioulo

¹⁰ Asin e manda arka di Deus pa Ekron. Oca ki na ciga la, jinti di Ekron grita e fala: “E tisi arka di Deus di Israel pa nos, pa i bin matanu, tudu ku no jinti!”

1 Samuel 5:10 ပူးပေါင်းရင်းမြစ်များ

2 Samuel 7:9

N staba ku bo na tudu kau ku bu yanda, N bai bu dianti, N kaba ku bu inimigus. N na fasi bu nomi pa i kunsidu, suma nomi di jinti mas garandi na mundu.

2 Reis 1:2

Akazias kai na un kuartu altu di si kasa na Samaria, i molosta. I manda jinti, i fala elis: “Bo bai punta Baal-Zebub, deus di Ekron, si kontra N na bin san.”

1 Kronikas 7:21

Zabad ku Sutela. Efrain padi mas dus fiju ku sedu Ezer ku Elead ma, oca ke bai pa furta limarias na con di Gat, omis di la mata elis.

Amos 1:8

N na mata moraduris di Asdod, ku kil ku tene bingala di renansa di Askelon. N na vira ña mon kontra prasa di Ekron tok filisteus kaba muri tudu.” Asin ku SIÑOR Deus fala.

Amos 6:2

Bo bai pa Kalné, bo jubi; di la bo ta bai pa prasa garandi di Amat; dipus bo ta ria pa Gat, prasa di filisteus. Nta bo sedu minjor di ki ki renus? O bo tera i mas garandi di ki di selis?

Josué 13:3

desdi riu Sior, ku sta na frontera di Ejitu, te na Ekron, mas pa norti (e con, i ta faladu ki sedu di kananeus, ma reis di filisteus ta moraba na Gaza, Asdod, Askelon, Gat ku Ekron), ku tera di aveus;

Josué 15:11

I bai pa ladu di norti di Ekron, i vira pa Sikeron, i pasa pa monti di Baalá, i ciga na Jabneel; asin frontera kaba na mar.

Josué 15:45

Ekron ku si prasas ku tabankas;

Ŝefis 1:18

Judá toma Gaza, Askelon ku Ekron, ku tudu se terenus.

1 Samuel 17:52

Omis di Israel ku di Judá lanta, e grita, e serka filisteus tok e ciga na kobon, e bai te na porton di Ekron. Filisteus kai firidu na tudu kamiñu ku ta bai pa Saarain, te Gat ku Ekron.

1 Samuel 5:11

E manda junta tudu ŝefis di filisteus, e fala: “Bo ribanta arka di Deus di Israel pa si lugar, pa i ka matanu, tudu ku no jinti.” Pabia mortu inci tudu prasa tok jinti panta; mon di Deus staba pisadu dimas la.

1 Samuel 5:9

Oca ke lebal pa Gat, mon di SIÑOR staba kontra ki prasa tok e panta; i kastiga jinti di ki prasa, desdi mininu te garandi; e teneba tumoris.

1 Samuel 6:1

Oca ku arka di SIÑOR staba na se con seti mis,