1 Samuel 4:9 - BIBLIA - traduson antigu in Krioulo

⁹ Bo mara koraẑen, filisteus, bo sedu omis, pa ka bo bin sedu katibus di ebreus, suma ku e sedu bo katibus. Bo sedu omis, bo geria!”

1 Samuel 4:9 ပူးပေါင်းရင်းမြစ်များ

2 Samuel 10:12

Sedu forti! No geria ku koraẑen pa no pobu ku prasas di no Deus. SIÑOR ta fasi konformi si vontadi.”

Isaias 14:2

Nasons na juda elis pa e riba na se lugar; pobu di Israel na tene elis suma servus macu ku femia na tera di SIÑOR. E na pui katibu kilis ku teneba elis suma katibu, e na manda riba di kilis ku na kalkaba elis.

Isaias 33:1

Koitadi di bo, abo danadur ku ka danadu inda, abo ku ta falsia, ma bu ka falsiadu inda! Ora ku bu kaba dana, bu na danadu; ora ku bu kaba falsia, jinti na falsiau.

1 Koríntius 16:13

Bo toma sintidu, bo fika firmi na fe. Bo sedu forti suma omi balenti.

Ŝefis 10:7

SIÑOR paña raiba di Israel, i ntrega elis na mon di filisteus ku fijus di Amon.

Ŝefis 13:1

Fijus di Israel torna fasi mal dianti di uju di SIÑOR. SIÑOR ntrega elis na mon di filisteus pa korenta anu.

1 Samuel 14:21

I tenba utru ebreus ku staba juntu ku filisteus na se kampamentu. Esis e riba na ki ora pa junta ku israelitas ku staba ku Saul ku Jonatas.

1 Samuel 4:8

Ai di nos! Kin ku na libranu na mon de deusis ku ten garandi puder? Es i ki deusis ku mata jinti di Ejitu ku tudu koldadi praga na lala.