1 Samuel 31:7 - BIBLIA - traduson antigu in Krioulo

⁷ Oca israelitas ku staba na reẑion di kobon ku di riu Jordon oja kuma tropas di Israel na kuri, e obi kuma Saul ku si fijus muri, e bandona prasas, e kuri; filisteus bin mora la na ki prasas.

1 Samuel 31:7 ပူးပေါင်းရင်းမြစ်များ

Sirmonias 26:32

N na dana tera, tok bo inimigus ku bin sinta la e na fika ku garandi spantu.

Sirmonias 26:36

“Kilis di bos ku fika ku vida, N na miti medu na se korson na tera di se inimigus, tok baruju di paja ku bentu na supra i na pui elis pa e kuri. E na kuri suma kin ku na kapli di spada, tok e kai, sin ningin ka serka elis.

Ripitison di Lei 28:33

Un pobu ku bu ka kunsi na kume prudutu di bu con ku bu tarbaju. Bu na kalkadu, bu maltratadu tudu dia.

Ŝefis 6:2

Midianitas bin ten forsa riba di Israel. Pabia delis, fijus di Israel bin ranja kobas na montañas, ku kobas na roca, ku kaus forti pa sukundi nel.

1 Samuel 13:6

Oca omis di Israel oja kuma e sta mal (pabia tropas staba pertadu), utrus bai sukundi na kavernas, utrus na matu, utrus na metadi di pedras garandi, na abrigus o na fontis.

1 Samuel 13:7

Utru ebreus kamba Jordon pa tera di Gad ku Jilead. Saul fika inda na Jilgal; tudu tropas ku staba ku el e na tirmi ku medu.

1 Samuel 31:6

Asin Saul ku si tris fiju ku si rapas ku ta lebal feramentus di gera, ku tudu si omis, e muri tudu na ki dia.

1 Samuel 31:8

Na utru dia, oca filisteus bin pa bin tira kusas na difuntus, e oja Saul ku si tris fiju ditadu mortu na montaña di Jilboa.