1 Samuel 30:26 - BIBLIA - traduson antigu in Krioulo

²⁶ Oca Davi ciga na Ziklag, i manda utru kusas ki toma na gera pa garandis di Judá, si amigus, i fala: “Ali un pursenti pa bos di kusas ku no toma na mon di inimigus di SIÑOR.”

1 Samuel 30:26 ပူးပေါင်းရင်းမြစ်များ

Kumsada 33:11

Di fabur, N pidiu pa bu toma ña pursenti ku N tisiu, pabia Deus na si bondadi i dan el. N tene tudu ku N pirsisa.” I ngodal tok i seta tomal.

2 Samuel 1:1

Dipus di mortu di Saul, Davi riba di si vitoria riba di amalekitas, i fika na Ziklag dus dia.

2 Reis 5:15

El ku tudu si servus e riba pa omi di Deus. I bai firma si dianti, i falal: “Gosi N sibi kuma na tudu mundu i ka ten Deus si i ka son na Israel. Asin N pidiu pa bu toma un pursenti di bu servu.”

Salmus 35:27

Kilis ku fika kontenti manera ku N ojadu sin kulpa, pa e kanta ku alegria, e fala sempri: “No garandisi SIÑOR, kil ku misti pa kusas kuri diritu ku si servu.”

Salmus 68:18

Bu subi na kau altu, bu leba manga di katibu ku bo; bu risibi ofertas di omis, mesmu di disobdientis, pa abo, SIÑOR Deus, bu pudi mora la.

Isaias 32:8

Algin retu ta fasi kusas onestu, i ta fika firmi na si onestidadi.

2 Koríntius 9:5

E ku manda N oja kuma N dibi di pidi e ermons pa e bai dianti pa bos, pa jubi ki oferta ku bo fala bo na da, pa i sta pruntu antis di N bai. Asin si i sta tudu pruntu, i ta mostra kuma bo da di bo vontadi, i ka a forsa.

1 Samuel 18:17

Saul fala Davi: “Ali Merab, ña purmeru fiju femia; N na dau el pa bu kasa. N misti son pa bu sirbin ku koraẑen, bu geria geras di SIÑOR.” Ma Saul na falaba na si sintidu kuma i ka el propi ku na pui mon na Davi, ma i filisteus ku na matal.

1 Samuel 25:27

Ali pursenti ku N tisi pa Ñu; i pudi dadu pa omis ku na yanda ku Ñu.

1 Samuel 25:28

Ñu ta purdan mal ku N fasi, pabia ku sertesa SIÑOR na da renansa firmi pa Ñu ku si jorson, suma ku Ñu ta geria geras di SIÑOR. I bon pa mal ka ojadu na Ñu na tudu vida di Ñu.

1 Samuel 30:20

I toma tambi tudu karnel ku baka; e pui tudu limarias dianti, e fala: “Es i kil ku Davi toma na gera.”

1 Samuel 30:25

Asin Davi pui ki lei na Israel ku ta sigidu disna di ki tempu te aos.