1 Samuel 30:12 - BIBLIA - traduson antigu in Krioulo

¹² E dal tambi un padas di mundu di figu seku, ku dus kacu di uva seku. I kume; si forsa riba nel, pabia i tenba tris dia ku tris noti ki ka kume nada, nin i ka bibi yagu.

1 Samuel 30:12 ပူးပေါင်းရင်းမြစ်များ

Ester 4:16

“Bai, bu junta tudu judeus ku sta na Susan, bo junjuŋa pa mi; ka bo kume nin bibi pa tris dia, nin di dia nin di noti. Asin ku ami ku ña bajudas tambi no na junjuŋa. Dipus N na bai nunde rei, mesmu ki ka sedu konformi lei. Si i pa N muri, N ta muri.”

Miskiñu di Jeremias 1:11

Tudu si pobu na jimi, e na buska kumida. E torkia se kusas di mas balur ku kumida, pa ngaña forsa. Prasa fala: “SIÑOR, jubin, bu pensa, pabia jinti njutin.

Jonas 1:17

SIÑOR purpara un pis garandi pa i nguli Jonas; Jonas fika tris dia ku tris noti na bariga di ki pis.

Mateus 27:63

e falal: “Siñor, no lembra kuma ki nganadur, ocalba inda bibu, i fala kuma, dipus di tris dia i na lanta di mortu.

Ŝefis 15:19

SIÑOR yabri koba ku staba na Leí; yagu sai nel. Sanson bibi; si forsa riba; i sinti mas vida. E ku manda ki fonti pudu nomi di fonti di kil ku na coma; i sta na Leí te aos.

1 Samuel 14:27

ma Jonatas ka obiba oca si pape konta tropas ki juramentu. I pui ponta di po ki teneba na mon, i mojal na bagus di mel, i pui na boka, i sinti si forsa arnobadu.

1 Samuel 30:11

La na matu e oja un omi di Ejitu, e lebal pa Davi. E dal kumida, tudu ku yagu di bibi.

1 Samuel 30:13

Davi puntal: “Abo i katibu di kin? Nunde ku bu sai?” Omi falal: “Ami i ejipsiu, katibu di un omi amalekita. Ña mestre bandonan ja tris dia, pabia N duensi.