1 Samuel 3:19 - BIBLIA - traduson antigu in Krioulo

¹⁹ Samuel na kirsiba; SIÑOR staba ku el, i ka disa nin un di si palabras kai na con.

1 Samuel 3:19 ပူးပေါင်းရင်းမြစ်များ

Kumsada 21:22

Na ki tempu, Abimelek ku Fikol, ŝef di si tropas, e fala Abraon: “Deus ta sta ku bo na tudu ku bu ta fasi.

Kumsada 28:15

Ami N sta ku bo, N na guardau pa nunde ku bu na bai. N na ribantau pa e tera, pabia N ka na disau, tok N fasi ke ku N falau.”

Kumsada 39:2

SIÑOR staba ku José; kusas kuril diritu. I fika na kasa di si dunu ejipsiu.

Kumsada 39:3

Si dunu oja kuma SIÑOR staba ku José, pabia tudu kil ki fasi, SIÑOR ta pui pa i kuril diritu.

1 Reis 8:56

“No ngaba SIÑOR ku da diskansu pa si pobu Israel, konformi tudu ki falaba. Nin un palabra ka maina di tudu bon purmesas ki fasi na boka di si servu Moisés.

2 Reis 10:10

Bo pudi sibi gosi kuma nada ka na maina di palabra ku SIÑOR fala kontra familia di Akab, pabia SIÑOR fasi tudu konformi i fala na boka di si servu Elias.”

2 Reis 15:12

Asin palabra di SIÑOR pa Jeu bin sedu, suma ki falalba: “Bu fijus na sinta na tronu di Israel te na kuartu jorson.”

2 Reis 22:16

‘Asin ku SIÑOR fala: N na tisi mal riba de lugar ku si moraduris, konformi tudu palabras di libru ku rei di Judá lei.

Isaias 43:2

Ora ku bu na pasa na yagu, N na sta ku bo; ora ku bu na pasa na rius, e ka na fogantau; nin ki na fugu ku bu na pasa, bu ka na kema, nin lingua di fugu ka na sindi na bo.

Isaias 44:26

I ami ku ta pui palabra di ña servu pa i sedu. Si N manda algin pa i jumna konta un kusa, N ta pui pa i sedu bardadi. I ami ku na fala Jerusalen kuma i na tene moraduris; N fala prasas di Judá kuma e na torna kumpudu; N na lantanda elis di ki stragu.

Isaias 55:11

asin ku palabra ku N papia na sedu; i ka na riba amonton pa mi, ma i na fasi kil ki di ña vontadi; i na bai dianti na kil ku N mandal pa i fasi.

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Lukas 1:28

Anju yentra nunde ki staba, i falal: “Minjer sortiadu, N dijau pas. Siñor sta ku bo, i mostra garandi fabur pa bo.”

Lukas 1:80

Mininu kirsi, i fika kada bias mas forti na spiritu. I ta moraba na lala, te dia ki parsi dianti di pobu di Israel.

Lukas 2:40

Mininu kirsi, i bida forti, i jiru ba dimas; fabur di Deus staba riba del.

Lukas 2:52

Jesus na kirsiba na jiresa, ku altura; i ngaña fabur di Deus ku di omis.

2 Koríntius 13:11

Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

Ripitison di Lei 18:22

Si palabra ku un anunsiadur fala na nomi di SIÑOR ka bin sedu bardadi, bu ta sibi kuma ki palabra, i ka SIÑOR ku papial, ma i ki anunsiadur propi ku falal. Ka bu ten medu del.

2 Timótiu 4:22

Siñor ta sta ku bu spiritu. Fabur di Deus ta sta ku bos tudu.

Josué 21:45

Nin un di ki bon palabras ku SIÑOR papiaba pa pobu di Israel i ka maina; tudu bin kumpri.

Ŝefis 13:24

Dipus, minjer padi un fiju, i pul nomi di Sanson. Mininu kirsi; SIÑOR bensual.

1 Samuel 10:7

Ora ku tudu e sinal kontisi, fasi kil ku bu sinti kuma bu dibi di fasi, pabia Deus sta ku bo.

1 Samuel 12:2

Gosi bo tene ja un rei ku na gia bos. Ami N beju ja, N tene kabelu branku. Ali ña fijus sta ku bos. N sedu bo ŝef disna di ña mininesa te aos.

1 Samuel 16:18

Un di rapasis ruspundi i fala: “N oja un fiju di Jesé di Belen ku sibi toka arpa. I algin di koraẑen ku sibi geria. I ta papia ben, i ten bon parsensa; SIÑOR sta ku el.”

1 Samuel 18:12

Saul tenba medu di Davi, pabia SIÑOR staba ku el, ma i disaba ja Saul.

1 Samuel 18:14

Tudu ki ta fasiba ta kuri diritu, pabia SIÑOR staba ku el.

1 Samuel 18:5

Davi ta baiba tudu kau ku Saul mandal, i ta fasi tudu kusa diritu, tok Saul pul riba di tropas; tudu jinti kontenti ku el, te propi ŝefis di tropas kontenti.

1 Samuel 2:21

SIÑOR bensua Ana; i preña, i padi tris fiju macu ku dus femia. Rapas Samuel na kirsiba dianti di SIÑOR.

1 Samuel 2:26

Rapas Samuel kontinua na kirsi, i na ngaña fabur dianti di SIÑOR, tambi dianti di omis.

1 Samuel 9:6

Kriadu falal: “Jubi, i ten un omi di Deus ne prasa, un omi rispitadu. Tudu kusa ki fala i ta bin sedu, i ka ta maina. Bin no bai la; talves i pudi mostranu kamiñu ku no dibi di pega.”