1 Samuel 29:3 - BIBLIA - traduson antigu in Krioulo

³ Kumandantis di filisteus punta: “Ke ku ki ebreus na fasi li?” Akis ruspundi i fala elis: “Es i Davi, ŝef di Saul, rei di Israel. I sta ku mi un anu i tal. Disna di dia ki sai na mon di Saul te aos, N ka oja nin kulpa nel.”

1 Samuel 29:3 ပူးပေါင်းရင်းမြစ်များ

Kumsada 14:13

I bin un algin ku kapli, i konta Abron, ebreu, ku moraba pertu di pes di karvaju di un omi amoreu comadu Manre. Es ku si ermons Eskol ku Anar e seduba sos di Abron.

1 Kronikas 12:19

Utru omis di Manasés bai junta ku Davi, na ki tempu ku Davi na baiba ku filisteus pa geria kontra Saul, ma na fin i ka bin juda elis na ki gera, pabia ŝefis di filisteus bin papia entri elis, e dispidi Davi, e fala: “I pudi bin kustanu no kabesa si i bai pasa pa Saul, si mestre.”

1 Kronikas 12:20

Es i omis ku bai junta ku Davi oca ki na riba pa Ziklag: Adna, Jozabad, Jediael, Mikael, Jozabad, Eliu ku Ziletai, ŝefis di milyaris di tropa di Manasés.

Daniel 6:5

E fala ŋutru: “Nunka no ka na oja roson pa keŝa de algin, si no ka buskal na ladu di lei di si Deus.”

Bon Noba di Jesus Kristu ku Jon 19:6

Oca ŝefis di saserdoti ku guardas oja Jesus, e grita: “Krusifikal! Krusifikal!” Pilatus fala elis: “Bo tomal abos, bo krusifikal, pabia N ka oja kulpa nel.”

Romanus 12:17

Ka bo torna ningin mal pa mal. Bo buska sedu retu dianti di tudu jinti.

1 Pedru 3:16

ku bon sintidu, pa ora ku bo kobadu, kilis ku na fala mal di bo bon manera di yanda ku Kristu e ta burguñu.

1 Samuel 14:11

E disa jinti di kampamentu oja elis. Filisteus fala: “Ala ebreus na sai na kobas ke sukundiba nel!”

1 Samuel 25:28

Ñu ta purdan mal ku N fasi, pabia ku sertesa SIÑOR na da renansa firmi pa Ñu ku si jorson, suma ku Ñu ta geria geras di SIÑOR. I bon pa mal ka ojadu na Ñu na tudu vida di Ñu.

1 Samuel 27:1

Davi fala na si sintidu: “Kualker dia Saul na bin matan. Minjor kusa ku N pudi fasi i pa N kapli kinti-kinti pa tera di filisteus, pa Saul pirdi speransa, i para buskan na tudu ladu di Israel; asin N ta kapli na si mon.”

1 Samuel 27:7

Davi mora na tera di filisteus un anu ku kuatru mis.

1 Samuel 29:6

Asin Akis coma Davi i falal: “Pa vida di SIÑOR N sibi kuma abo i bon algin. N kontenti ku manera ku bu yanda ku mi na sirvis di tropa, pabia N ka oja nin mal na bo disna di dia ku bu bin pa mi te aos, ma kumandantis ka kontenti ku bo.

1 Samuel 4:6

Filisteus obi ki baruju, e punta: “Ki gritu na kampamentu di ebreus, i ke?” Oca filisteus sibi kuma arka di SIÑOR bin pa kampamentu,