1 Samuel 28:6 - BIBLIA - traduson antigu in Krioulo

⁶ I bai punta SIÑOR, ma SIÑOR ka ruspundil, nin pa suñus, nin pa Urin, nin pa anunsiaduris.

1 Samuel 28:6 ပူးပေါင်းရင်းမြစ်များ

2 Samuel 22:42

E buska ajuda, ma i ka ten kin ku na libra elis; e coma SIÑOR, ma i ka kudi elis.

Salmus 74:9

Gosi no ka ta oja sinal; i ka ten ja anunsiadur, nin algin na no metadi ku sibi te kal tempu ku e kusa na tarda.

Saida 28:20

Kuartu fila na tene turkesa, sardonika ku jaspi. E na fiksadu na uru purparadu pa elis.

Saida 28:30

“Bu na pui Urin ku Tumin na pitural di disison, pa e sta riba di korson di Aron ora ki na yentra pa SIÑOR. Asin Aron na pui pitural riba di si korson, pa i pudi diskubri sempri vontadi di SIÑOR pa fijus di Israel.

Ditus 27:1

Ka bu njata pa dia di amaña, pabia bu ka sibi ke ki na tisiu.

Jeremias 23:28

Anunsiadur ku tene suñu i dibi di kontal suma suñu. Kil ku tene ña palabra i dibi di papia ña palabra ku bardadi. Ke ki paja pa i komparadu ku arus?” Asin ku SIÑOR punta.

Miskiñu di Jeremias 2:9

Si portons kai na con; el i sapa-sapa se trinkus. Si rei ku si ŝefis sta na manga di nason. Gosi i ka ten lei; si anunsiaduris ka na risibi vison di SIÑOR.

Joel 2:28

“Mas tardi, N na darma ña Spiritu riba di tudu jinti. Bo fijus macu ku femia e na anunsia rekadu di Deus; bo omis beju e na ba ta suña; bo jovens na oja visons.

Sirmonias 8:8

I pul pitural, i pui riba del Urin ku Tumin.

Mikeias 3:7

Anunsiaduris na pasa borgoña; diviñaduris na fika na kunfuson. Elis tudu e na kubri se boka, pabia Deus ka na kudi elis.

Numerus 12:6

I fala elis: “Bo sukuta ke ku N na fala. “Si anunsiadur ten na bo metadi, ami, SIÑOR, N ta pul pa i kunsin na vison, o N ta papia ku el na suñus.

Numerus 27:21

I ten ku bai dianti di saserdoti Eleazar, ku ta usa Urin pa punta SIÑOR pa i risibi rasposta. Konformi si ordi el ku tudu fijus di Israel e na sai; konformi si ordi e na yentra.”

Mateus 1:20

Manera ki na pensaba ne kusa, un anju di Siñor parsil na suñu, i falal: “José, fiju di Davi, ka bu ten medu di kasa ku Maria, pabia kil ku sta na si bariga i puder di Spiritu Santu.

Bon Noba di Jesus Kristu ku Jon 9:31

No sibi kuma Deus ka ta obi kilis ku ta fasi mal, ma i ta obi algin ku rispital, ku ta fasi si vontadi.

Ripitison di Lei 33:8

I fala di Levi: “Abo, SIÑOR, bu Tumin ku bu Urin e sedu pa bu amadus, kilis ku bu proba na Masá, ku sedu Meribá, ki kau di jus.

Tiagu 4:3

Si bo pidi, bo ka ta risibi, pabia bo ta pidi mal, son pa bo gasta na bo vontadi.

1 Samuel 14:37

Asin Saul punta Deus: “Pa N bai tras di filisteus? Bu na ntrega elis na mon di Israel?” Ma Deus ka ruspundil na ki dia.

1 Samuel 28:15

Samuel punta Saul: “Ke ku manda bu kordan, bu pun pa N sai?” Saul falal: “N foronta dimas pabia filisteus na geria kontra mi; Deus bandonan; gosi i ka ta kudin, nin pa anunsiaduris, nin na suñu. E ku manda N comau pa bu kontan ke ku N dibi di fasi.”

1 Samuel 28:5

Oca Saul oja tropas di filisteus, i panta; si korson inci medu.