1 Samuel 26:8 - BIBLIA - traduson antigu in Krioulo

⁸ Abisai fala Davi: “Aos Deus ntregau bu inimigu na bu mon. Disan pa N pregal ku kañaku na con un bias; N ka na pirsisa di dal sugundu bias.”

1 Samuel 26:8 ပူးပေါင်းရင်းမြစ်များ

2 Samuel 16:9

Abisai, fiju di Zeruia, punta rei: “Pabia di ke ku e kacur mortu na koba Ñu Rei? Disan N bai la pa tiral kabesa.”

Salmus 31:8

Bu ka ntregan na mon di ña inimigu, ma bu pui ña pe na un kau largu.

Jeremias 40:15

Dipus Joanan, fiju di Kareá, i papia ku Jedalias na sigridu, na Mizpá, i falal: “Disan bai mata Ismael, fiju di Netanias, sin ningin ka sibi. Kuma ki na bin matau, pa tudu Judá ku sta juntu ku bo e bin pajigadu, jinti di Judá ku sobra pa e bin pirdi?”

Naun 1:9

Kal planus ke na fasi kontra SIÑOR? El mesmu i na kaba ku elis tudu. Foronta ka na lanta dus bias.

Romanus 11:32

Pabia Deus kondena tudu jinti pabia di disobdiensia, pa i pudi usa di miserikordia pa tudu.

Ripitison di Lei 32:30

Kuma ku un omi el son i pudi serka mil, o dus omi pudi pui des mil pa e kuri, si i ka kuma se Roca bindi elis, SIÑOR ntrega elis?

Josué 21:44

SIÑOR da elis diskansu na tudu ladu, suma ki jurmentaba se papes di antigu. Di tudu se inimigus, ningin ka firma se dianti; SIÑOR ntrega elis tudu na se mon.

Ŝefis 1:4

Oca ku Judá bai gera, SIÑOR ntrega kananeus ku perizeus na se mon; e mata des mil omi na Bezek.

1 Samuel 23:14

Davi fika i na sukundi-sukundi na monti, na lala di Zif. Saul na buskalba tudu dia, ma Deus ka ntregal na si mon.

1 Samuel 24:4

Omis di Davi falal: “Lembra kusa ku SIÑOR falau, kuma i na ntregau bu inimigu na bu mon; bu ta fasil konformi bu misti. Ali ki dia ciga!” Davi lanta, i bai ketu, i korta ponta di kapa di Saul.

1 Samuel 24:5

Dipus, Davi sinti mal na si korson manera ki korta ponta di kapa di Saul.

1 Samuel 26:23

SIÑOR ta paga kada algin ku sedu justu i fiel. Aos SIÑOR ntregau na ña mon, ma N ka mistiba distindi ña mon kontra unjidu di SIÑOR.

1 Samuel 26:7

Davi ku Abisai e bai di noti pa kampamentu, e oja Saul dita, i na durmi, na metadi di kampamentu; si kañaku firmantadu na con lungu di si kabesa; Abner ku tropas ditaba na si roda.

1 Samuel 26:9

Davi fala Abisai: “Ka bu fasil mal, pabia algin ku distindi mon kontra unjidu di SIÑOR ka pudi fika sin kulpa.