1 Samuel 26:11 - BIBLIA - traduson antigu in Krioulo

¹¹ SIÑOR ta libran di N distindi mon kontra si unjidu, ma bu pudi toma kañaku ku sta la lungu di si kabesa, ku jaru di yagu; no bai.”

1 Samuel 26:11 ပူးပေါင်းရင်းမြစ်များ

2 Samuel 1:14

Davi puntal: “Kuma ku bu ka ten medu di distindi mon pa mata unjidu di SIÑOR?”

2 Samuel 1:16

Davi falal: “Abo bu ranja mortu pa bu kabesa, pabia i bu boka propi ku kondenau oca bu fala kuma bu mata unjidu di SIÑOR.”

2 Samuel 19:22

Davi fala: “Abos fijus di Zeruia, ke ku bo ten la pa bo sta kontra ña vontadi aos? Nta algin dibi di matadu aos na Israel? N sibi aos kuma N sedu rei di Israel.”

Salmus 17:4

No sibi ke ku omis ta fasi, ma ami, pa palabras di bu boka N libra di kamiñus di jinti violentu.

Romanus 12:17

Ka bo torna ningin mal pa mal. Bo buska sedu retu dianti di tudu jinti.

Romanus 12:19

Ña ermons, ka bo vinga, abos propi, ma bo disal pa Deus, pabia i sta skritu kuma Siñor fala: “Vingansa i di mi. I ami ku na torna.”

1 Pedru 3:9

Ka bo torna mal pa mal; ka bo koba kil ku na koba bos. Te pa bo fasi asin, bo torna ku bon palabra di benson, pabia benson i yardansa ku Deus coma bos pa el.

1 Samuel 12:3

Alin li; bo tustumuña kontra mi dianti di SIÑOR ku dianti di si rei unjidu, si N toma turu di algin, o N toma buru di algin, o N fasi algin tarpasa, o N maltrata algin, o N toma suku di bas na mon di algin pa N pudi tapa uju. Si N fasi kualker de kusas, N ta torna bos el.”

1 Samuel 24:12

SIÑOR ta julga na metadi di mi ku bo, i ta tornau mal ku bu na fasin, ma ña mon ka na fasiu mal.

1 Samuel 24:4

Omis di Davi falal: “Lembra kusa ku SIÑOR falau, kuma i na ntregau bu inimigu na bu mon; bu ta fasil konformi bu misti. Ali ki dia ciga!” Davi lanta, i bai ketu, i korta ponta di kapa di Saul.

1 Samuel 24:6

I fala si omis: “SIÑOR ta libran di N fasi mal pa ña mestre ku SIÑOR unji, o pa N lantanda ña mon kontra el, pabia SIÑOR kujil pa i sedu rei.”