1 Samuel 25:39 - BIBLIA - traduson antigu in Krioulo

³⁹ Oca Davi obi kuma Nabal muri, i fala: “No ngaba SIÑOR, pabia i julga ña kasu kontra Nabal manera ki tratan ku disprezu; i tujin fasi mal, i torna mal di Nabal riba di si propi kabesa.” Dipus Davi manda jinti pa e bai pidi Abigail pa i sedu si minjer.

1 Samuel 25:39 ပူးပေါင်းရင်းမြစ်များ

2 Samuel 1:16

Davi falal: “Abo bu ranja mortu pa bu kabesa, pabia i bu boka propi ku kondenau oca bu fala kuma bu mata unjidu di SIÑOR.”

1 Reis 2:44

Salomon falal inda: “Bu sibi diritu na bu korson tudu maldadi ku bu fasi ña pape Davi. Asin SIÑOR na pui pa bu paga ki maldadi,

Ester 7:10

Asin e nforka Aman na ki po ki purparaba pa Mardokeu. Dipus di kila, raiba di rei bin fria.

Ester 9:25

Oca rei bin sibi de kusa, i manda kartas pa ki planu malvadu ku Aman teneba kontra judeus pudi torna kai riba di si kabesa. Asin el ku si fijus e nforkadu na po.

Salmus 7:16

Mal ki fasi na kai riba di si kabesa; si violensia na torna kontra el.

Salmus 9:5

Bu raprindi nasons, bu kaba ku jinti mau; bu riska se nomi pa sempri.

Ditus 18:22

Kil ku oja minjer i oja un bon kusa, i yangasa fabur di SIÑOR.

Ditus 19:14

Kasa ku rikesa i yardansa ku bin di papes, ma minjer jiru i ta bin di SIÑOR.

Ditus 22:23

pabia SIÑOR na difindi si kasu; i na tira vida di kilis ku na robal kusas.

Ditus 31:10

Minjer di bon manera, kin ku pudi ojal? I bali muitu mas di ki joias.

Ditus 31:30

Bonitasku ta ngana, i ta pasa, ma minjer ku ta rispita SIÑOR i na ngabadu.

Kantiga di Salomon 8:8

No tene no ermonsiñu femia ku mama inda ka sai. Ke ku no na fasi pa no irma na dia ki na pididu kasamenti?

Mikeias 7:9

Manera ku N peka kontra SIÑOR, N na sufri si raiba te na dia ki julga ña kasu, i fasin justisa. El i na tiran pa lus; N na oja si justisa.

2 Koríntius 13:7

No na ora Deus pa ka bo fasi nin un mal. I ka pa no parsi kuma no ka raproba, ma i pa bos bo fasi ben, nin ku no parsi suma no raproba.

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

2 Timótiu 4:18

Siñor na libran tambi di tudu mal, i na leban salbu pa si renu na seu. Gloria pa el pa sempri. Amen.

Ŝefis 5:2

Bo ngaba Deus, pabia Israel pruntia pa gera; pobu tambi ntrega se kabesa ku bon vontadi.

1 Samuel 24:15

SIÑOR na sedu juis, i na julga na metadi di mi ku bo, i na jubi ña kasu, i na pursenta ña roson, i na libran na bu mon.”

1 Samuel 25:26

SIÑOR tuji Ñu darma sangi, tambi di torna vingansa ku si propi mon. N dija, na nomi di SIÑOR bibu, pa tudu inimigus di Ñu, ku kilis ku na buska mal kontra Ñu, pa e sedu suma Nabal.

1 Samuel 25:32

Davi fala Abigail: “N ngaba SIÑOR Deus di Israel ku mandau pa bu bin kontra ku mi aos!

1 Samuel 25:34

Na bardadi, N jurmenta pa vida di SIÑOR Deus di Israel, ku tujin fasiu mal, kuma, si bu ka binba kinti-kinti pa kontra ku mi, nin un macu di kasa di Nabal ka na fikaba ku vida tok sol mansi.”

1 Samuel 25:40

Oca servus di Davi ciga na Karmelu nunde Abigail, e falal: “Davi mandanu pa bo pa no bin lebau pa bu sedu si minjer.”

1 Samuel 26:10

N jurmenta, na nomi di SIÑOR bibu, kuma i SIÑOR ku na matal; o si dia na ciga ki na muri, o i na bai gera, i bai muri la.