1 Samuel 25:33 - BIBLIA - traduson antigu in Krioulo

³³ Deus ta bensuau pa bu konsiju, manera ku bu tujin darma sangi aos, tambi bu tujin torna vingansa ku ña mon propi.

1 Samuel 25:33 ပူးပေါင်းရင်းမြစ်များ

Salmus 141:5

Si algin justu sutan, i ta sedu bondadi; si i raprindin, i ta sedu suma azeiti riba di ña kabesa ku N ka na nega. N na kontinua ora kontra maldadis di jinti mau.

Saida 22:2

I ten ku paga tudu. Si i ka tene, i ta bindidu pa pudi paga si furtu. Si limaria ojadu bibu na si mon, ku sedu turu o buru o karnel, i ta paga dus. Si ladron pañadu na fura kasa, i molostadu, i muri, kin ku molostal i ka kulpadu di si mortu, ma si i matadu oca sol mansi ja, kin ku matal i kulpadu.

Ditus 13:14

Nsinamentu di jiru i fonti di vida, pa algin pudi disinvita armadilia di mortu.

Ditus 17:10

Si algin raprindi un omi ntindidu, kila i ta mas ngaña jiresa di ki tulu ku sutadu sen bias.

Ditus 25:12

Omi jiru ku konsija algin ku sta pruntu pa obi, i ten balur suma brinkus di uru ku fiu di uru puru.

Ditus 27:21

Suma ku prata ku uru ta probadu na fugu, karater di omi ta probadu ora ki ngabadu.

Ditus 28:23

Si bu raprindi algin, mas tardi i na sta mas kontenti ku bo di ki ku utru algin ku ta ngabal son ku boka.

Ditus 9:9

Da nsinamentu pa algin jiru; el i ta sedu mas jiru. Nsina algin justu, i ta kirsi na ntindimentu.

1 Samuel 24:19

Kin ku ta oja si inimigu, i disal bai si kamiñu sin fasil mal? SIÑOR ta pagau diritu pa kil ku bu fasin aos.

1 Samuel 25:26

SIÑOR tuji Ñu darma sangi, tambi di torna vingansa ku si propi mon. N dija, na nomi di SIÑOR bibu, pa tudu inimigus di Ñu, ku kilis ku na buska mal kontra Ñu, pa e sedu suma Nabal.

1 Samuel 25:31

Ñu ka na fika tarpajadu ku pesu na korson pabia di sangi ku Ñu darma sin roson, o manera ku Ñu torna vingansa ku mon di Ñu propi. Ora ku SIÑOR fasi ben pa Ñu, lembra di mi, bu servu.”