1 Samuel 25:29 - BIBLIA - traduson antigu in Krioulo

²⁹ Si algin lanta pa serka Ñu pa tiral vida, SIÑOR bu Deus na mara vida di Ñu suguru juntu ku kilis ku tene vida, ma vida di inimigus di Ñu na fercadu lunju suma pedra di lamparan.

1 Samuel 25:29 ပူးပေါင်းရင်းမြစ်များ

Kumsada 15:1

Dipus de kusas tudu pasa, SIÑOR bin papia ku Abron na vison, i falal: “Abron, ka bu ten medu. Ami i bu tajadera; N sedu bu garandi premiu.”

2 Samuel 4:8

e leba kabesa pa Davi na Ebron, e falal: “Ali kabesa di Isboset, fiju di Saul, bu inimigu ku na buskaba matau. Aos SIÑOR juda Ñu Rei vinga Saul ku si familia.”

Jo 27:22

Deus na manda es riba del, i ka na ten pena del; omi na kuri ku foronta pa kapli na si mon.

Salmus 116:15

Jinti ku pertensi Deus, ora ke muri, se mortu ten balur na uju di SIÑOR.

Salmus 54:3

Jinti orgulyosu lanta kontra mi; omis kruel na buska matan — jinti ku ka ta mporta ku Deus. Sela

Salmus 66:9

I guarda no vida, i ka disa no pe lalu.

Jeremias 10:18

pabia asin ku SIÑOR fala: “N na bota fora moraduris di tera, N na foronta elis tok e sinti.”

Malakias 3:17

SIÑOR ku ten tudu puder fala: “Elis e na sedu di mi; na ki dia ku N marka, e na sedu ña rikesa spesial; N na guarda elis suma ku omi ta guarda si fiju ku ta sirbil.

Bon Noba di Jesus Kristu ku Jon 14:19

Mas un bokadu, jinti di mundu ka na ojan, ma abos bo na ojan. Suma ami N sta bibu, abos tambi bo na bibu.

Bon Noba di Jesus Kristu ku Jon 17:21

pa elis tudu sedu un son, suma abo, ña Pape, bu sta na mi, ami na bo; pa elis tambi e sedu un son na nos, pa jinti di mundu fia kuma i abo ku mandan.

Bon Noba di Jesus Kristu ku Jon 17:23

ami nelis, abo na mi, pa elis e ten unidadi diritu, pa mundu sibi kuma abo ku mandan, tambi bu ama elis suma ku bu aman.

Ripitison di Lei 33:29

O Israel, abo i sortiadu! Kin ku sedu suma bo, un pobu ku SIÑOR salba? El i bu tajadera ku ta sakurau, tambi i bu spada gloriosu. Pa kila bu inimigus na fika bas di bo; bu na masa elis.”

1 Pedru 1:5

Pabia di bo fe, bo sta guardadu na puder di Deus pa salbason ku sta ja purparadu pa mostra na kabantada di tempu.

1 Samuel 2:9

“I na guarda pe di kilis ki di sil, ma jinti mau na fika mudu na sukuru, pabia i ka pa forsa ku omi ta ngaña.