1 Samuel 25:28 - BIBLIA - traduson antigu in Krioulo

²⁸ Ñu ta purdan mal ku N fasi, pabia ku sertesa SIÑOR na da renansa firmi pa Ñu ku si jorson, suma ku Ñu ta geria geras di SIÑOR. I bon pa mal ka ojadu na Ñu na tudu vida di Ñu.

1 Samuel 25:28 ပူးပေါင်းရင်းမြစ်များ

2 Samuel 5:2

Mesmu na ki tempu ku Saul seduba inda no rei, i abo ku ta baiba dianti di tropas di Israel. Tambi SIÑOR falau kuma bu na sedu gia di si pobu Israel; bu na sedu se rei.”

2 Samuel 7:11

disna di dia ku N pui ŝefis riba di ña pobu Israel, ma N na diskansau di tudu bu inimigus. Tambi SIÑOR na kontau kuma el propi i na firmanta bu jorson.

2 Samuel 7:16

Bu familia ku bu renansa na sta sempri ña dianti; bu tronu na konfirmadu pa sempri.’ ”

2 Samuel 7:27

“SIÑOR ku ten tudu puder, Deus di Israel, bu mostran e kusa, bu fala kuma bu na konfirma renansa na ña jorson. E ku manda N ngaña koraẑen pa fasiu e orason.

1 Reis 15:3

I yanda na tudu pekadus ku si pape fasiba antis del; si korson ka seduba pirfitu dianti di SIÑOR si Deus suma korson di Davi, pape di si dona.

1 Reis 15:5

pabia Davi yandaba retu dianti di SIÑOR; nunka i ka ciga di disvia di tudu kil ku SIÑOR mandal, si i ka son na kasu di ki eteu Urias.

1 Reis 9:5

ami N na konfirmau na tronu di renu di Israel pa sempri, suma ku N fala bu pape Davi kuma nunka i ka na faltal omi di si jorson na tronu di Israel.

1 Kronikas 17:10

disna di tempu ku N pui ŝefis riba di ña pobu Israel. N na bota tudu bu inimigus bas. “‘Tambi N na kontau kuma ami, SIÑOR, N na firmanta bu renansa.

1 Kronikas 17:25

Abo, ña Deus, bu mostra bu servu kuma bu na firmanta si renu. Pabia di kila, bu servu oja fiansa pa ora bu dianti.

2 Kronikas 20:15

Jaaziel fala: “Rei Jeosafá ku tudu jinti ku mora na Jerusalen ku Judá, bo sukuta. Asin ku SIÑOR na fala bos: ‘Ka bo ten medu nin ka bo panta pabia di ki manga di tropa, pabia gera i ka di bos, i di Deus.

Salmus 7:3

SIÑOR ña Deus, si N fasi e kusa — si N susa ña mon ku pekadu,

Salmus 89:29

Sempri i na ten algin di si jorson ku na sedu rei; si renansa na tarda suma ku seu na tarda.

Numerus 23:21

Disgrasa ka ojadu na Israel, nin vida di kasabi ka ojadu na Jakó. SIÑOR si Deus sta ku el. E na proklama rei na se metadi.

Mateus 5:16

Asin tambi ku bo dibi di fasi bo lus pa i numia dianti di jinti, pa e pudi oja kusas bon ku bo ta fasi, pa e pudi ngaba bo Pape ku sta na seu.

Lukas 23:41

Pa nos i justu, pabia no na risibi kil ku no mersi pa mal ku no fasi, ma es, nin un mal i ka fasi.”

Lukas 23:47

Kapiton di guarda oja kil ku kontisi. I ngaba Deus, i fala: “Na bardadi e omi i seduba justu.”

1 Samuel 15:28

Samuel falal: “Aos SIÑOR rumpi renu di Israel na bu mon, i dal pa utru, minjor di ki bo.

1 Samuel 17:47

Tudu jintis ku junta li e na sibi kuma i ka ku spada nin ku kañaku ku SIÑOR ta salba, pabia e gera i di SIÑOR; i na ntrega bos na no mon.”

1 Samuel 18:17

Saul fala Davi: “Ali Merab, ña purmeru fiju femia; N na dau el pa bu kasa. N misti son pa bu sirbin ku koraẑen, bu geria geras di SIÑOR.” Ma Saul na falaba na si sintidu kuma i ka el propi ku na pui mon na Davi, ma i filisteus ku na matal.

1 Samuel 2:35

N na lantanda pa mi un saserdoti fiel ku na fasi konformi kusa ku N tene na ña korson ku ña sintidu. N na firmanta si familia; i na sirbi sempri dianti di ña rei unjidu.

1 Samuel 22:14

Aimelek ruspundi rei i puntal: “Kin ki fiel suma Davi na metadi di tudu bu ŝefis? El i omi di bu fiju, kapiton di bu guardas, i rispitadu ciu na bu kasa.

1 Samuel 24:11

Ña pape, jubi, bu oja e padas di bu kapa na ña mon. N kortau ponta di bu kapa, ma N ka matau. Bu pudi ntindi, bu oja kuma N ka na fasiu mal, nin N ka na rebela kontra bo. N ka fasi mal kontra bo, ma bu na montia ña vida pa tiran el.

1 Samuel 24:17

i fala Davi: “Abo i mas justu di ki mi. Bu tratan diritu, ma ami N tratau mal.

1 Samuel 24:21

Jurmentan na nomi di SIÑOR kuma bu ka na kaba ku ña jorson nin bu ka na tira ña nomi na familia di ña pape.”

1 Samuel 24:4

Omis di Davi falal: “Lembra kusa ku SIÑOR falau, kuma i na ntregau bu inimigu na bu mon; bu ta fasil konformi bu misti. Ali ki dia ciga!” Davi lanta, i bai ketu, i korta ponta di kapa di Saul.

1 Samuel 25:24

i falal: “A Siñor! Kulpa i ta fika riba di mi! Disan papia ku Ñu; Ñu obi ke ku N na fala.

1 Samuel 29:3

Kumandantis di filisteus punta: “Ke ku ki ebreus na fasi li?” Akis ruspundi i fala elis: “Es i Davi, ŝef di Saul, rei di Israel. I sta ku mi un anu i tal. Disna di dia ki sai na mon di Saul te aos, N ka oja nin kulpa nel.”

1 Samuel 30:26

Oca Davi ciga na Ziklag, i manda utru kusas ki toma na gera pa garandis di Judá, si amigus, i fala: “Ali un pursenti pa bos di kusas ku no toma na mon di inimigus di SIÑOR.”