1 Samuel 25:17 - BIBLIA - traduson antigu in Krioulo

¹⁷ Pensa diritu, bu jubi ke ku bu dibi di fasi, pabia mufunesa garandi ten ku kai riba di no patron ku tudu si familia. El gora i un algin malvadu dimas; ningin ka pudi papia ku el.”

1 Samuel 25:17 ပူးပေါင်းရင်းမြစ်များ

2 Samuel 24:13

Gad bai pa el, i kontal ke ku SIÑOR fala, i puntal: “Bu misti pa tris anu di fomi bin pa bu tera, o pa bu kuri tris mis dianti di inimigus ku na serkau, o pa i ten tris dia di duensa meduñu na bu tera? Pensa diritu, bu jubi kal rasposta ku N na leba pa kil ku mandan.”

1 Reis 21:10

Bo pui dus malandru pa e sinta si dianti, pa e testifika kontra el kuma i papia mal kontra Deus ku rei. Dipus bo lebal fora, bo dal ku pedras tok i muri.”

1 Reis 21:13

Dus malandru yentra, e bai dianti di Nabot, e testifika kontra el dianti di pobu, e fala: “Nabot papia mal kontra Deus ku rei.” Jinti lebal fora di prasa, e dal ku pedras tok i muri.

2 Kronikas 13:7

Utru omis malandru ku ka bali e junta ku el, e lanta kontra Reoboan, fiju di Salomon, ocal nobu, i ka tenba inda spiriensia, nin i ka pudiba risisti kontra elis.

2 Kronikas 25:16

Antis di i kaba papia, Amazias ruspundi i puntal: “Nta no pou pa bu sedu konsijadur di rei? Kala! Ke ku manda bu na buska matadu?” Anunsiadur kala, ma son dipus ki fala: “N oja kuma Deus marka ja pa kaba ku bo, pabia bu fasi e kusa, bu nega obi ña konsiju.”

Ester 7:7

Rei lanta na ki festa di biñu, ku raiba, i sai pa jardin di palasiu. Aman lanta i firma pa roga raiña Ester pa si vida, pabia i oja kuma rei disidiba mal kontra el.

Ditus 12:8

Si algin sedu jiru, i na ngabadu, ma kil ku tene menti tortu i na njutidu.

Ripitison di Lei 13:13

e fala kuma omis malvadu lanta na bo metadi, e cuci moraduris di prasa, e fala elis: “Bo bin no bai adora utru deusis” (ku nunka bo ka kunsi),

Ŝefis 19:22

Oca ke na divirti, omis malvadu di ki prasa da volta di kasa, e na maja porta, e fala omi beju, dunu di kasa: “Tira pa fora ki omi ku yentra na bu kasa, pa no pudi dita ku el.”

1 Samuel 10:27

ma utru omis mau punta: “Nta i es ku na bin libertanu?” E njutil, e ka lebal ofertas, ma Saul kala boka.

1 Samuel 2:12

Fijus di Eli seduba jinti mau ku ka mportaba nada ku SIÑOR.

1 Samuel 20:7

Si i fala kuma i sta bon, bu servu na fika diskansadu, ma si i paña raiba, bu na sibi kuma i pui tudu si sintidu pa fasin mal.

1 Samuel 20:9

Jonatas falal: “E kusa ka na kontisi ku bo! Nta si N teneba ideia kuma ña pape pui sintidu pa fasiu mal, N ka na kontau?”

1 Samuel 25:16

E seduba suma tapada na no roda di dia ku di noti tudu ki tempu ku no na bakiaba no karnel pertu delis.

1 Samuel 25:18

Abigail fasi kinti-kinti, i toma duzentus pon, biñu na dus saku di kuru, sinku karnel gisadu, sinku midida di trigu iladu, sen kacu di uva seku ku duzentus mundu di figu seku, i pui elis riba di burus,

1 Samuel 25:25

Ka Ñu mporta ku ki omi malvadu, Nabal, pabia i sedu suma si nomi. Si nomi signifika tulu; tulesa sta ku el! Ami, N ka oja ki rapasis ku Ñu manda.