1 Samuel 24:9 - BIBLIA - traduson antigu in Krioulo

⁹ i punta Saul: “Pabia di ke ku bu ta seta kusas ku omis ta kontau, kuma Davi misti fasiu mal?

1 Samuel 24:9 ပူးပေါင်းရင်းမြစ်များ

Salmus 101:5

N na kaba ku kil ku na rui si visiñu. N ka na nguenta kil ku ta ronka ku korson di orgulyu.

Salmus 141:6

Ora ku se ŝefis botadu riba di pedra garandi pa bas, e na ntindi kuma ña palabras seduba bardadi.

Ditus 16:28

Omi tortu ta lantanda jus; kil ku ta disfama jinti i ta rapati garandi amigus.

Ditus 17:4

Omi mau ta para sintidu na palabra di planu mau; munturus ta mpina si oreja pa palabra di mintida.

Ditus 18:8

Palabra mau pa jinti i suma un kusa sabi ku no kontenti pa nguli!

Ditus 25:23

Bentu di norti ta tisi cuba; lingua finjidu di papiadur ta tisi rostu di raiba.

Ditus 26:28

Algin munturus i ta aburisi kil ki papia mal pa el. Boka ku ta ngaba ku nganu i ta tisi danu.

Ditus 29:12

Si un gubernadur para sintidu na mintidas, tudu si ŝefis na bin sedu munturus.

Jeremias 37:18

Dipus Jeremias punta rei Zedekias: “Kal mal ku N fasi kontra bo, o kontra bu ŝefis, o kontra pobu, ku manda bu fican na kalabus?

Sirmonias 19:16

“Ka bu pajiga palabra falsu na metadi di bu pobu kontra un algin. Ka bu pui vida di bu kumpañer na pirigu. Ami N sedu SIÑOR.

Tiagu 3:6

Lingua tambi i un fugu, i un mundu di maldadi. I un parti ku sta na nos ku ta susa tudu no kurpu. I ta yardinti tudu no vida, na no manera di yanda. Lingua propi, i nfernu ku ta sindil ku si fugu.

1 Samuel 20:1

Davi kuri di Naiot na Ramá, i bai pa Jonatas, i puntal: “Ke ku N fasi? Kal ki ña krimi? Kal kusa mau ku N fasi bu pape ku manda i misti tiran vida?”

1 Samuel 20:41

Oca rapas bai, Davi lanta tras di ki pedra, i mpina tris bias ku si rostu na con; e beẑa ŋutru, e cora juntu, ma Davi ku mas cora ciu.

1 Samuel 24:10

Aos propi bu oja ku bu uju kuma SIÑOR ntregau na ña mon ne kaverna. Utrus falan pa N matau, ma N popa bu vida. N fala kuma N ka na distindi ña mon kontra ña mestre, pabia i el ku SIÑOR unji.

1 Samuel 24:8

Dipus Davi tambi lanta, i sai na kaverna, i grita tras di Saul, i comal: “Ñu Rei!” Saul jubi pa tras. Davi mpina i mborka ku rostu na con,

1 Samuel 26:18

Pabia di ke ku ña mestre na serka si servu de manera? Ke ku N fasi? Kal mal ku N kulpadu del?

1 Samuel 26:19

N pidi Ñu Rei pa i obi e palabra di si servu. Si i SIÑOR ku na lantandau kontra mi, i bon pa i seta un oferta, ma si i omis ku na fasi asin, pa e sedu maldisuadu dianti di SIÑOR, pabia e serkan aos pa N ka ten parti na yardansa di SIÑOR, e na pun pa N bai sirbi utru deusis.