1 Samuel 24:11 - BIBLIA - traduson antigu in Krioulo

¹¹ Ña pape, jubi, bu oja e padas di bu kapa na ña mon. N kortau ponta di bu kapa, ma N ka matau. Bu pudi ntindi, bu oja kuma N ka na fasiu mal, nin N ka na rebela kontra bo. N ka fasi mal kontra bo, ma bu na montia ña vida pa tiran el.

1 Samuel 24:11 ပူးပေါင်းရင်းမြစ်များ

2 Samuel 1:14

Davi puntal: “Kuma ku bu ka ten medu di distindi mon pa mata unjidu di SIÑOR?”

2 Reis 5:13

Si servus bai pa el, e falal: “Ña pape, si anunsiadur falauba pa bu fasi un kusa mas kansadu, bu ka na fasilba? Ku fadi gora i falau son pa bu murguja, pa bu purifikadu.”

Jo 10:16

Si N yalsa ña kabesa, bu ta montian suma lion brabu, bu torna fasi milagris kontra mi.

Salmus 119:161

Ŝefis ta pirsigin sin roson, ma ña korson ta rispita bu palabra.

Salmus 140:11

Omi di lingua mau ka na tene kau sertu pa sinta na tera; mal na pirsigi omi violentu tok i tiradu na con.

Salmus 35:7

Sin roson e koba koba, e sukundi ridia pa pañan.

Salmus 59:3

Jubi kuma ke na montian pa paña. Omis forti na junta kontra mi, SIÑOR, sin N ka fasi pekadu o kualker kusa di mal.

Salmus 7:5

si N fasi ki mal, inimigu pa i pirsigin, i pañan, i masa ña vida na con, i rasta ña gloria na reia. Sela

Ditus 15:1

Bon rasposta ta kalma raiba, ma palabra duru i ta lantandal.

Miskiñu di Jeremias 4:18

Jinti na montianuba tok no ka pudi yanda na ruas. No dias staba kuas pa kaba, pabia no fin cigaba ja.

Ezekiel 13:18

bu fala elis kuma asin ku SIÑOR Deus fala: ‘Ai di kilis ku ta kusi kusas suma guarda pa mara na mon, ku lensus pa mara na kabesa di jinti, pa ten puder riba delis. Nta bo na montia vida di ña pobu? Ma bo na guarda bo propi vida!

Mikeias 7:2

Tudu jinti bon pirdi na tera; i ka ten nin un omi retu. Elis tudu e na sukundi pa darma sangi; kada un na montia si ermon ku ridia.

Bon Noba di Jesus Kristu ku Jon 15:25

I pa i pudi sedu suma ki sta skritu na se lei: ‘E nfastian sin roson.’

1 Samuel 12:3

Alin li; bo tustumuña kontra mi dianti di SIÑOR ku dianti di si rei unjidu, si N toma turu di algin, o N toma buru di algin, o N fasi algin tarpasa, o N maltrata algin, o N toma suku di bas na mon di algin pa N pudi tapa uju. Si N fasi kualker de kusas, N ta torna bos el.”

1 Samuel 18:27

Davi lanta, i bai ku si omis, e mata duzentus filisteu; Davi sirkunsida elis, i tisi se prepusius, i ntrega elis kompletu pa rei, pa i pudi kasa ku si fiju. Asin Saul dal si fiju pa i kasa.

1 Samuel 23:14

Davi fika i na sukundi-sukundi na monti, na lala di Zif. Saul na buskalba tudu dia, ma Deus ka ntregal na si mon.

1 Samuel 23:23

Bo ta bai diskubri tudu kau ki ta sukundi nel, bo ta riba pa mi ku tudu sertesa. Asin N ta bai ku bos. Si i sta na ki ladu, N na pañal, nin si N ten ku buska-buskal na tudu familias di Judá.”

1 Samuel 25:28

Ñu ta purdan mal ku N fasi, pabia ku sertesa SIÑOR na da renansa firmi pa Ñu ku si jorson, suma ku Ñu ta geria geras di SIÑOR. I bon pa mal ka ojadu na Ñu na tudu vida di Ñu.

1 Samuel 26:18

Pabia di ke ku ña mestre na serka si servu de manera? Ke ku N fasi? Kal mal ku N kulpadu del?

1 Samuel 26:20

Ka bu disa pa ña sangi darmadu na tera strañu, lunju di pursensa di SIÑOR. Rei di Israel sai pa buska un pulga, suma kil ku na serka coka na montis.”

1 Samuel 26:23

SIÑOR ta paga kada algin ku sedu justu i fiel. Aos SIÑOR ntregau na ña mon, ma N ka mistiba distindi ña mon kontra unjidu di SIÑOR.