1 Samuel 23:6 - BIBLIA - traduson antigu in Krioulo

⁶ (Oca Abiatar, fiju di Aimelek, kuri pa Davi na Keila, i leba efodi na si mon.)

1 Samuel 23:6 ပူးပေါင်းရင်းမြစ်များ

1 Reis 2:26

Rei fala saserdoti Abiatar pa i bai pa si lugar na Anatot, i falal: “Bu mersi matadu, ma N ka na matau aos, pabia bu ta lebaba arka di SIÑOR Deus dianti di ña pape Davi, tambi bu sufri juntu ku el.”

Saida 28:6

e na fasi efodi di uru, ku lan azul, purpura ku burmeju, ku liñu finu tursidu, tarbaju di un omi ku ten ki jitu.

1 Samuel 14:18

Saul fala Aías: “Tisi arka di Deus pa li.” (Na ki dia arka di Deus staba ku fijus di Israel.)

1 Samuel 14:3

Aías, fiju di Aitub, ermon di Ikabó, fiju di Fineias, fiju di Eli, saserdoti di SIÑOR na Siló, i teneba efodi. Jinti ka sibiba kuma Jonatas bai.

1 Samuel 22:20

Ma Abiatar, un fiju di Aimelek, fiju di Aitub, i kapli, i kuri i bai pa Davi,

1 Samuel 23:2

I konsulta SIÑOR i puntal: “Pa N bai geria kontra ki filisteus?” SIÑOR fala Davi: “Bai geria kontra elis, pa bu salba Keila.”

1 Samuel 23:5

Asin Davi bai ku si omis pa Keila, i geria kontra filisteus, i mata manga delis, i toma se limarias, i libra jinti di Keila.

1 Samuel 23:7

Oca Saul kontadu kuma Davi baiba pa Keila, i fala: “Deus ntregan el na ña mon, pabia i sta prezu, manera ki yentra na un prasa ku mura, ku porton ku ta ficadu ku feru.”

1 Samuel 23:9

Oca Davi sibi kuma Saul na purpara pa bin kontra el, i fala saserdoti Abiatar: “Tisi efodi pa li.”

1 Samuel 30:7

Davi fala ki saserdoti Abiatar, fiju di Aimelek: “Di fabur, tisin efodi pa li.” Abiatar lebal efodi.