1 Samuel 22:3 - BIBLIA - traduson antigu in Krioulo

³ Di la Davi bai pa Mizpá na tera di Moab, i fala rei di moabitas: “Disa ña pape ku ña mame fika ku bos tok N sibi ke ku Deus na fasi pa mi.”

1 Samuel 22:3 ပူးပေါင်းရင်းမြစ်များ

Kumsada 47:11

José da si pape ku si ermons kau ku pertensi elis propi na minjor parti di tera di Ejitu, na ladu di Ramasés, pa e mora la, suma ku Faraó daba ordi.

2 Samuel 8:2

Tambi Davi ngaña moabitas, i ditanda elis na con, i midi elis ku korda. Kilis ku dus midida di korda paña, e ta matadu; dipus kilis ku un midida ntidu di korda paña, e ta disadu ku vida. Asin moabitas fika bas di Davi, e ta pagal mpustu.

Saida 20:12

“Rispita bu pape ku bu mame, pa bu pudi tene manga di anu na tera ku SIÑOR bu Deus na dau.

1 Timótiu 5:4

ma si un viuva tene fiju o netu, ki fijus dibi di sibi purmeru fasi se dever riliẑiosu ku se propi familia, pa paga obrigason pa se papes, pabia i el ku Deus ta kontenti ku el.

Ŝefis 11:29

Spiritu di SIÑOR bin riba di Jeftá. I pasa na tera di Jilead ku Manasés, i toka na Mizpá di Jilead, i kontinua te nunde ku fijus di Amon kampaba.

Ruti 4:10

N toma tambi Ruti di Moab, ku seduba minjer di Malon, pa i sedu ña minjer, pa kontinua nomi di falsidu na si yardansa, pa si nomi ka pirdi na metadi di si ermons, nin na reẑistu di prasa. Aos bo sedu tustumuñas.”

Ruti 4:17

Minjeris visiñu fala: “Noemi tene un fiju.” E dal nomi di Obed. I el ku sedu pape di Jesé, pape di Davi.

1 Samuel 14:47

Oca Saul sinta na si renansa riba di Israel, i geria kontra tudu se inimigus ku staba na se roda: Moab, fijus di Amon, Edon, reis di Zobá, ku filisteus. Tudu kau ki rabida pa el, i ta ngañaba.

1 Samuel 22:2

Tambi tudu omi ku staba na kansera, o ku teneba dibidas, o ku staba diskontenti, e junta ku el; el i bin sedu se ŝef. E seduba serka di kuatrusentus omi.

1 Samuel 22:4

Asin i leba elis pa rei di moabitas; e fika la ku el tudu tempu ku Davi staba na ki kaverna.

1 Samuel 3:18

Asin Samuel kontal tudu ki palabra, i ka sukundil nada. Eli fala: “El i SIÑOR; pa i fasi kusa ki oja kuma i bon.”