1 Samuel 22:17 - BIBLIA - traduson antigu in Krioulo

¹⁷ Dipus rei fala si guardas ku staba ku el: “Bo rabida bo mata saserdotis di SIÑOR, pabia elis tambi e sta na ladu di Davi; e sibiba kuma i na kuri, ma e ka kontan.” Guardas di rei ka mistiba lantanda mon kontra saserdotis di SIÑOR.

1 Samuel 22:17 ပူးပေါင်းရင်းမြစ်များ

2 Samuel 15:1

Mas tardi Absalon bin ranja karus ku kabalus, ku sinkuenta omi pa kuri si dianti.

1 Reis 1:5

Adonias, fiju ku Davi padi ku Ajit, i lanta i fala: “I ami ku na sedu rei.” I purpara karus ku kabalus ku sinkuenta omi pa kuri si dianti.

1 Reis 14:27

Na se konta rei Reoboan kumpu tajaderas di kobri, i ntrega elis na mon di kapitons di guarda ku staba sempri na porton di kasa di rei.

1 Reis 18:4

Oca ku Jezabel na mataba anunsiaduris di SIÑOR, Obadias toma sen delis, i dividi elis sinkuenta sinkuenta, i sukundi elis na dus kaverna, i sustenta elis ku kumida ku yagu.

2 Reis 10:25

Dipus di kaba kema ofertas, Jeu fala si guardas ku kapitons: “Bo yentra, bo mata elis. Ka bo disa nin un son kapli.” Asin e mata elis ku spada, e bota elis fora, e yentra dentru di kuartu sagradu di baloba di Baal,

Saida 1:17

Ma parteras tenba medu di Deus, e ka fasi suma ku rei di Ejitu fala elis. Asin e guarda vida di mininus.

Atus 4:19

Pedru ku Jon ruspundi e fala elis: “Bo kuda ben si i diritu dianti di Deus pa no obdisi bos mas di ki Deus,

1 Samuel 14:45

Tropas ruspundi e fala Saul: “Nta Jonatas na matadu, kil ku ngaña e garandi vitoria na Israel? Nunka! No diklara na nomi di SIÑOR bibu kuma, nin un kabelu di si kabesa ka na kai na con, pabia kusa ki fasi aos i ku ajuda di Deus.” Asin tropas libra Jonatas di mortu.

1 Samuel 2:31

Tempu na bin ku N na korta bu forsa, ku forsa di familia di bu pape, pa i ka ten nin un beju na bu familia.

1 Samuel 20:33

Saul ferca si kañaku pa el pa matal. Asin Jonatas ntindi kuma si pape pui na sintidu pa mata Davi.

1 Samuel 22:13

Saul puntal: “Ke ku manda abo ku fiju di Jesé bo filanta pa sta kontra mi, manera ku bu dal pon, ku spada, bu konsulta Deus pa el? Gosi i lanta kontra mi, i na montia tiran vida aos.”

1 Samuel 22:16

Rei falal: “Aimelek, bu ten ku muri, ku tudu familia di bu pape.”

1 Samuel 25:17

Pensa diritu, bu jubi ke ku bu dibi di fasi, pabia mufunesa garandi ten ku kai riba di no patron ku tudu si familia. El gora i un algin malvadu dimas; ningin ka pudi papia ku el.”

1 Samuel 8:11

i fala: “Es i na sedu kustumu di rei ku na rena riba di bos: i na toma bo fijus pa e tarbaja ku si karus, pa ba ta monta si kabalus, pa ba ta kuri dianti di si karus;