1 Samuel 20:8 - BIBLIA - traduson antigu in Krioulo

⁸ N pidiu pa bu mostra bondadi pa bu servu, pabia bu leban pa N fasi kontratu ku bo dianti di SIÑOR. Si N sedu kulpadu, bu ta matan, abo propi; ka bu ntregan na mon di bu pape.”

1 Samuel 20:8 ပူးပေါင်းရင်းမြစ်များ

Kumsada 24:49

Gosi, si bo na mostra bondadi ku bardadi pa ña mestre, bo fasin pa N sibi; si kontra bo ka na fasil, bo ta fasin tambi pa N sibi, pa N bai jubi na utru kau.”

Kumsada 47:29

Oca tempu pa mortu di Israel pertu, i coma si fiju José, i falal: “Si N oja fabur na bu uju, N na pidiu pa bu pui mon bas di ña perna, bu jurmenta kuma bu na mostra bondadi ku bardadi pa mi, bu ka na nteran na Ejitu.

2 Samuel 14:32

Absalon fala Joab: “Jubi, N manda comau, N falau pa bu bin pa N mandau nunde rei pa puntal: ‘Ke ku manda N bin di Jesur? I minjor pa N sta la inda.’ Gosi, N misti oja rostu di rei. Si N ten kulpa, i pudi matan.”

1 Kronikas 12:17

Davi sai i da elis kontrada, i fala elis: “Si bo na bin pa mi pa judan suma amigus, ña korson sta pruntu pa junta ku bos, ma si bo bin pa ntregan na mon di ña inimigus, sin i ka ojadu un mal na mi, Deus di no papes i ta ojal, i raprindi bos.”

Salmus 116:11

N turmenta, N fala: “Tudu jinti i falsu!”

Ditus 3:3

Ka bu larga e dus kusa, ku sedu bondadi, tambi pa sedu algin di fiansa; mara elis na bu garganti, bu skirbi elis na tagua di bu korson.

Atus 25:11

Si N fasi un kusa mau ku mersi mortu, N ka na nega muri, ma si N ka fasi nin nada de kusas ke na akusan, ningin ka pudi ntregan na se mon. N pidi pa Ñu mandan pa rei garandi.”

Josué 2:14

Ki omis ruspundi e falal: “No vida na da konta pa bo vida! Si bo ka konta ke ku no na fasi, ora ku SIÑOR danu e tera no na sedu bon i fiel pa bo.”

Josué 22:22

“SIÑOR, Deus ku ten tudu puder! SIÑOR, Deus ku ten tudu puder! El i sibi! Israel pa i sibi tambi! Si e kusa i sedu kuma no lanta kontra SIÑOR, o pabia di disobdiensia kontra SIÑOR, ka bo salbanu aos.

Ruti 1:8

Noemi fala elis: “Bo riba, kada kin pa kasa di si mame. SIÑOR na sedu bon pa bos, suma ku bo seduba bon pa falsidus, pa mi tambi.

1 Samuel 18:1

Oca Davi kaba papia ku Saul, si korson liga ku korson di Jonatas; Jonatas amal suma si kurpu.

1 Samuel 18:3

Jonatas ku Davi fasi un kontratu, pabia Jonatas amaba Davi suma si kurpu propi.

1 Samuel 20:16

SIÑOR na kastigau si abo ku bu familia bu ka guarda no kontratu.”

1 Samuel 20:9

Jonatas falal: “E kusa ka na kontisi ku bo! Nta si N teneba ideia kuma ña pape pui sintidu pa fasiu mal, N ka na kontau?”

1 Samuel 23:18

Elis dus e fasi kontratu dianti di SIÑOR. Davi fika na matu; Jonatas riba pa kasa.