1 Samuel 20:5 - BIBLIA - traduson antigu in Krioulo

⁵ Davi fala Jonatas: “Jubi, amaña i festival di lua nobu. N dibi di kume ku bu pape, ma disan pa N bai sukundi na lugar te di tardi di ermon di amaña.

1 Samuel 20:5 ပူးပေါင်းရင်းမြစ်များ

2 Reis 4:23

I puntal: “Ke ku manda bu na bai pa el aos? I ka lua nobu inda, nin i ka dia di diskansu.” Minjer falal: “Disan son.”

Salmus 55:12

Si kontra i un inimigu ku na kobanba, N pudiba sufri; si i algin ku ka gosta di mi ku na njutinba, N pudiba sukundi del.

Salmus 81:3

Bo toka korneta pa festival, na lua nobu, tambi ora ku lua firma.

Ditus 22:3

Algin ku ta pensa diritu i ta oja pirigu, i bai sukundi, ma kil ku ka ta pensa diritu i ta yentra na pirigu, i ta bai sufri.

Amos 8:5

Bo ta fala na sintidu: “No ten dipresa pa lua nobu pasa pa no pudi bindi no miju. Si dia di diskansu kaba son, no na yabri fera di trigu. No na usa midida mas pikininu, no na aumenta pres ku jinti na paga, no ngana jinti ku balansu falsu.

Numerus 10:10

Tambi na dia di bo kontentamentu, suma tambi na bo festivalis markadu, o na lua nobu, bo na toka kornetas riba di bo ofertas kemadu ku ofertas di pas. E na pui bo Deus pa i lembra di bos. Ami i SIÑOR bo Deus.”

Numerus 28:11

“Na purmeru dia di kada mis, bo na da oferta kemadu pa SIÑOR: dus turu nobu, un karnel macu ku seti fiju di karnel, macu, di un anu, tudu sin difeitu.

Bon Noba di Jesus Kristu ku Jon 8:59

E paña pedra pa dal ku el, ma Jesus sukundi, i sai na kasa di Deus.

Atus 17:14

Na ki ora ermons mandal pa ladu di mar, ma Silas ku Timótiu fika.

Kolosensis 2:16

Ka bo disa ningin julga bos pabia di kume o bibi, o pabia di dia sagradu, lua nobu, o dia di diskansu.

1 Samuel 19:2

i bai avisal, i falal: “Ña pape Saul na buska manera di matau. Amaña parmaña bu ta toma sintidu, bu bai buska kau, bu sukundi la.

1 Samuel 20:18

Dipus Jonatas falal: “Amaña i festival di lua nobu. E na sinti bu falta, pabia bu lugar na sta vaziu.

1 Samuel 20:19

Ermon di amaña bu ta bai di tardi pa ki kau nunde ku bu sukundiba nel na ki dia ku e purblema kumsa; bu ta pera lungu di pedra di Ezel.

1 Samuel 20:24

Asin Davi sukundi na lugar. Oca festival di lua nobu ciga, rei sinta pa kume,

1 Samuel 20:27

Na utru dia, ku sedu sugundu dia di lua nobu, lugar di Davi staba vaziu. Saul punta si fiju Jonatas: “Pabia di ke ku fiju di Jesé ka bin kume aonti nin aos?”

1 Samuel 20:4

Jonatas fala Davi: “N na fasiu kualker kusa ku bu misti.”

1 Samuel 20:6

Si bu pape nota pa ña falta, bu ta falal kuma N pidiu lisensa pa N janti pa Belen, ña prasa, pabia i na fasidu la ki sakrifisiu di kada anu pa tudu ña familia.