1 Samuel 2:5 - BIBLIA - traduson antigu in Krioulo

⁵ Kilis ku staba fartu e na buska tarbaju pa e pudi oja kumida; kilis ku teneba fomi, gosi e para tene fomi. Minjer ku ka ta padi i tene seti fiju; kil ku teneba manga di fiju i fika fraku.

1 Samuel 2:5 ပူးပေါင်းရင်းမြစ်များ

Salmus 113:9

I ta pui minjer ku seba pa i sinta na metadi di familia, pa i sedu mame di fijus, i kontenti. Bo ngaba SIÑOR!

Salmus 34:10

Fijus di lion pudi sinti falta, e pasa fomi, ma kilis ku buska SIÑOR, nada ka na falta elis.

Isaias 33:9

Tera na jimi, i cora. Líbanu burguñu; si matu bida seku. Saron bida suma lala. Na Basan ku Karmelu, fojas konkoñi tudu.

Isaias 54:1

SIÑOR fala: “Kanta ku alegria, abo, minjer sebadu ku nunka ka padi; grita ku kontentamentu ku kantiga di alegria, abo ku nunka ka tene dur di partu, pabia fijus di minjer ku fika sin omi i mas ciu di ki fijus di kil ku kasadu.

Jeremias 15:9

Mame di seti fiju na dismaja, i kansa pa da folgu; si sol kai nkuantu i di dia inda; i fika ku borgoña ku kunfuson. Kilis ku ka muri inda, N na ntrega elis pa spada dianti di se inimigus.” Asin ku SIÑOR fala.

Lukas 1:53

I inci fomentis di bon kusas; i serka rikus ku mon limpu.

Lukas 16:25

“Abraon falal: ‘Fiju, lembra kuma bu risibi tudu ben na bu vida, Lazaru son mal. Gosi el i konsoladu, abo bu sta na kastigu.

Gálatas 4:27

I sta skritu: “Abo, minjer sebadu, ku nunka ka padi, fika kontenti! Abo ku nunka ka sinti dur di partu, grita ku forsa, ku alegria! Pabia minjer ku bandonadu i na tene mas fijus di ki kil ku tene maridu.”

Ruti 4:15

I na arnoba bu vida, i na bin sustentau na bu bejisa, pabia bu netu, ku amau, ku sedu minjor di ki seti fiju pa bo, i el ku padil.”

1 Samuel 1:20

I pasa sertu tempu, Ana preña, i padi un fiju, i coma si nomi Samuel, pabia i fala kuma i pidil na mon di SIÑOR.

1 Samuel 1:6

Manera ku SIÑOR tujilba padi, si kumbosa ta provokal ciu pa i paña raiba.