1 Samuel 2:26 - BIBLIA - traduson antigu in Krioulo

²⁶ Rapas Samuel kontinua na kirsi, i na ngaña fabur dianti di SIÑOR, tambi dianti di omis.

1 Samuel 2:26 ပူးပေါင်းရင်းမြစ်များ

Kumsada 39:4

Asin José oja fabur na uju di Potifar, i bin sedu si mon direita. Pabia di kila, Potifar pul riba di tudu si kasa, i ntregal tudu kil ki teneba na si mon.

Ditus 3:3

Ka bu larga e dus kusa, ku sedu bondadi, tambi pa sedu algin di fiansa; mara elis na bu garganti, bu skirbi elis na tagua di bu korson.

Ditus 3:4

Asin bu na oja fabur ku bon ntindimentu dianti di Deus ku omis.

Lukas 1:80

Mininu kirsi, i fika kada bias mas forti na spiritu. I ta moraba na lala, te dia ki parsi dianti di pobu di Israel.

Lukas 2:40

Mininu kirsi, i bida forti, i jiru ba dimas; fabur di Deus staba riba del.

Lukas 2:52

Jesus na kirsiba na jiresa, ku altura; i ngaña fabur di Deus ku di omis.

Atus 2:47

e ta ngaba Deus. Tudu jinti ta fika kontenti ku elis. Kada dia Siñor ta buriba kilis ki na salba, pa si igreẑa kirsi.

Romanus 14:18

Kin ku na sirbi Kristu asin, Deus ta kontenti ku el; jinti ta setal.

Ŝefis 13:24

Dipus, minjer padi un fiju, i pul nomi di Sanson. Mininu kirsi; SIÑOR bensual.

1 Samuel 2:21

SIÑOR bensua Ana; i preña, i padi tris fiju macu ku dus femia. Rapas Samuel na kirsiba dianti di SIÑOR.

1 Samuel 3:19

Samuel na kirsiba; SIÑOR staba ku el, i ka disa nin un di si palabras kai na con.