1 Samuel 2:22 - BIBLIA - traduson antigu in Krioulo

²² Eli beju ba; i ta obiba tudu kusa ku si fijus na fasiba pa tudu jinti di Israel, manera tambi ke ta ditaba ku minjeris ku ta tarbaja na entrada di tenda di juntamentu.

1 Samuel 2:22 ပူးပေါင်းရင်းမြစ်များ

Kumsada 35:22

Oca Israel na moraba na ki tera, Ruben bai i durmi ku Bila, kumadri di si pape. Israel bin sibil. Jakó teneba dozi fiju macu.

Kumsada 37:2

Asin ki kontisi na vida di Jakó. Oca José teneba disaseti anu, i ta bakiaba karnelis ku si ermons, fijus di Bila ku fijus di Zilpa, minjeris di si pape. José sempri i ta bin konta se pape mau kusas aserka delis.

Saida 38:8

Ku spijus di minjeris ku ta tarbajaba na porta di tenda di juntamentu i kumpu basia di kobri ku si pe di kobri.

Ezekiel 22:26

Se saserdotis ta kebra ña lei, e kontamina ña kusas sagradu; e ka ta diferensia kusas sagradu ku kilis ki ka sagradu, e ka ta nsina diferensa di kusa puru ku kusa impuru. E ka ta mporta ku ña dias di diskansu. Asin, pobu di Israel ka ta rispitan.

1 Samuel 2:23

I punta elis: “Pabia di ke ku bo na fasi e kusas? Pabia N obi e pobu tudu na papia na kusas mau ku bo ta fasi.

1 Samuel 3:13

N kontal ja kuma N na julga si familia pa sempri pabia di pekadu ki sibiba del. Si fijus na fasi puku di Deus; i ka tuji elis.

1 Samuel 8:1

Oca ku Samuel staba ja beju, i pui si fijus pa e sedu juisis riba di Israel.