1 Samuel 2:2 - BIBLIA - traduson antigu in Krioulo

² “I ka ten algin puru suma SIÑOR; utru ka ten fora del; i ka ten nin un roca suma no Deus.

1 Samuel 2:2 ပူးပေါင်းရင်းမြစ်များ

2 Samuel 22:3

Ña Deus i ña kau suguru ku N fiansa nel; el i ña tajadera; i forti pa salban. El i ña kau altu di sukundi, nunde ku N ta fika suguru nel. O ña Salbadur, bu salban di violensia!

2 Samuel 22:32

Kin ki Deus si i ka SIÑOR? Kin ku sedu Roca si i ka no Deus?

2 Samuel 7:22

“O SIÑOR Deus, abo i garandi dimas! I ka ten utru suma bo, nin i ka ten utru deus si i ka abo, konformi tudu kusas ku no obi ku no orejas.

1 Reis 8:23

i fala: “SIÑOR Deus di Israel, i ka ten utru Deus suma bo, la na seu nin li na tera. Bu ta sedu fiel na bu kontratu, bu kontinua mostra amor pa bu servus ku ta yanda bu dianti ku tudu se korson.

Salmus 111:9

I bai liberta si pobu; i firmanta si kontratu pa sempri. Si nomi i sagradu, i meduñu.

Salmus 18:2

SIÑOR i ña roca, ña lugar forti, ña Libertadur, ña Deus, ña kau suguru ku N fiansa nel; el i ña tajadera, forsa di ña salbason, ña kau altu di sukundi.

Salmus 18:31

Kin ki Deus si i ka SIÑOR? Kin ku sedu Roca si i ka no Deus?

Salmus 71:19

O Deus, bu retidon ta ciga na seu; bu fasi garandi kusas. O Deus, kin ku sedu suma bo?

Salmus 71:3

Ba ta sedu ña roca suguru nunde ku N pudi bai sempri. Da ordi pa N sedu salbu, pabia abo i ña roca, ña kau forti.

Salmus 73:25

Nta kin ku N tene na seu ku ka sedu abo? Li na tera i ka ten algin ku N dija fora di bo.

Salmus 86:8

Na metadi di deusis i ka ten utru suma bo, SIÑOR; nin un delis ka fasi tarbaju suma di bo.

Salmus 89:6

Kin ku sedu suma SIÑOR la na seu? Na metadi di anjus, kin ku parsi SIÑOR?

Salmus 89:8

O SIÑOR, Deus ku ten tudu puder, kin ku forti suma bo? Na tudu ladu bu sedu fiel, SIÑOR.

Salmus 99:3

E dibi di ngaba bu garandi nomi meduñu, pabia i sagradu.

Salmus 99:5

Bo garandisi SIÑOR no Deus, bo mpina dianti di tapeti di si pe, pabia el i santu.

Salmus 99:9

Bo garandisi SIÑOR no Deus, bo adoral na si monti sagradu, pabia SIÑOR no Deus i santu.

Saida 15:11

O SIÑOR, na metadi di deusis, kin ku sedu suma bo? Kin ki suma bo ki garandi dimas na puresa, ku ta ngabadu ku medu, ku ta fasi milagris?

Isaias 40:18

Nta kin ku bo na parsinti ku Deus? ke ku bo na komparal ku el?

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 44:8

Ka bo panta nin ka bo medi. Nta N ka jumna N konta bos e kusas disna di tempus antigu? Abos propi i ña tustumuñas. Nta i ten utru Deus fora di mi? Nau, N ka kunsi nin utru Roca.”

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Isaias 6:3

E na gritaba ŋutru, e na fala: “Santu, santu, santu; SIÑOR ku ten tudu puder i santu! Tudu mundu inci ku si gloria.”

Jeremias 10:6

O SIÑOR, i ka ten ningin suma bo; abo i garandi; puder di bu nomi i garandi dimas.

Sirmonias 11:44

Ami i SIÑOR bo Deus. Asin bo na ntrega bo kurpu pa i sedu sagradu, bo na kontinua sedu puru pabia ami i puru. Ka bo bida nujenti pabia di kualker bicu ku ta rasta na con.

Sirmonias 11:45

Ami N sedu SIÑOR ku tisi bos di Ejitu pa N sedu bo Deus. Asin, bo kontinua sedu puru pabia ami i puru.

Sirmonias 19:2

pa i papia ku tudu juntamentu di Israel, i fala elis: “Bo na sedu puru, pabia ami, SIÑOR bo Deus, N sedu puru.

Romanus 15:4

Tudu ku skirbiduba purmeru na palabra di Deus i skirbidu pa nsinanu, pa danu pasensa ku koraẑen, pa no pudi ten speransa.

Romanus 4:8

Sortiadu i ki algin ku Siñor ka pui si pekadu riba di si kabesa.”

Ripitison di Lei 3:24

“SIÑOR Deus, bu kumsa ja mostra bu servu bu garandesa ku bu mon forti, pabia i ka ten utru deus na seu nin na tera ku pudi fasi kusas garandi suma ku bu ta fasi ku bu forsa.

Ripitison di Lei 32:20

I fala: “N na sukundi ña rostu delis, N na jubi kuma ku se kabantada na sedu, pabia e sedu un pobu tortu, fijus ku ka sedu di fiansa.

Ripitison di Lei 32:39

“Bo oja kuma i ami, ami propi ku sedu Deus. I ka ten utru deus fora di mi. N ta mata, N ta da vida; N ta laña, N ta kura; i ka ten algin ku pudi kapli di ña mon.

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

Ripitison di Lei 4:35

Bu mostradu ki kusas pa bu pudi sibi kuma SIÑOR i Deus; i ka ten utru fora del.

Ripitison di Lei 4:39

Asin bu dibi di ntindi aos, bu guarda na korson, kuma SIÑOR, el son ki Deus la riba na seu suma li na tera; i ka ten utru.

1 Pedru 1:16

suma ku Skritura fala: “Bo sedu puru pabia ami i puru.”