1 Samuel 2:17 - BIBLIA - traduson antigu in Krioulo

¹⁷ Asin pekadu di ki fijus di Eli seduba garandi dimas dianti di SIÑOR, pabia e na njutiba oferta di SIÑOR.

1 Samuel 2:17 ပူးပေါင်းရင်းမြစ်များ

Kumsada 10:9

I sedu garandi montiadur dianti di SIÑOR. E ku manda i ta faladu: “Suma Ninrod, garandi montiadur dianti di SIÑOR.”

Kumsada 13:13

Omis di Sodoma seduba mau, e ta fasiba pekadu ciu kontra SIÑOR.

Kumsada 6:11

Tera staba mal na uju di Deus; jinti na abusaba na se kumpañer.

2 Reis 21:6

I sakrifika si fiju na fugu; i ta diviñaba pa nuvens, i seduba pauteru, i ta konsultaba difuntus ku botaduris di sorti. I pega fasi mal dianti di SIÑOR, i lantanda si raiba.

Salmus 51:4

I kontra bo ku N peka, i son kontra bo; N fasi kil ki mau bu dianti. Asin bu ten tudu roson ora ku bu papia, bu julgan.

Isaias 3:8

Jerusalen na balansa; Judá kai ja, pabia tudu ke na papia, ku kusas ke na fasi, sta kontra SIÑOR, pa disafia si parsensa gloriosu.

Malakias 2:13

Ali utru kusa ku bo ta fasi: Bo ta kubri altar di SIÑOR ku larma, bo ta cora, bo jimi, pabia gosi i ka ta oja pa ki oferta, nin i ka ta kontenti pa setal na bo mon.

Mateus 18:7

“Koitadi di mundu, pabia kusas di pui algin kai ten ku bin, i ka ta maina, ma koitadi di algin ku ta pui utru jinti pa e kai na pekadu.

1 Samuel 2:16

Si ki omi falal: “Disa gurdura pa i kemadu purmeru; dipus bu ta toma kil ku bu misti,” ki kriadu ta falal: “Nau! Bu ten ku dal gosi; si i ka asin, N na tomal ku forsa.”

1 Samuel 3:13

N kontal ja kuma N na julga si familia pa sempri pabia di pekadu ki sibiba del. Si fijus na fasi puku di Deus; i ka tuji elis.