1 Samuel 19:5 - BIBLIA - traduson antigu in Krioulo

⁵ I mpiña si vida oca ki bai mata ki filisteu; SIÑOR ngaña garandi vitoria pa tudu Israel. Abo propi bu ojal, bu fika kontenti. Pabia di ke ku bu na fasi mal kontra algin inosenti, manera ku bu misti mata Davi sin roson?”

1 Samuel 19:5 ပူးပေါင်းရင်းမြစ်များ

2 Samuel 23:10

ma Eleazar fika firmi, i mata-mata filisteus, tok si mon kansa, i kola na spada. Na ki dia SIÑOR da elis un garandi libramentu. Omis di Israel riba pa el, ma son pa disarma difuntus.

1 Kronikas 11:14

ma Eleazar ku si kumpañeris e firma na metadi di ki lugarsiñu, e difindil, e mata filisteus. SIÑOR juda elis pa e ngaña garandi vitoria.

1 Kronikas 11:18

Ki tris e pasa na metadi di kampamentu di filisteus, e bai kata yagu na ki fonti lungu di porton di Belen, e tisil pa Davi. Ma Davi nega bibil; i darmal dianti di SIÑOR,

Salmus 109:5

E pagan mal pa ben, odiu pa ña amor.

Salmus 119:109

Kontudu ña vida sta na pirigu tudu ora, N ka ta diskisi di bu lei.

Salmus 25:3

Na bardadi, kilis ku ten speransa na bo e ka na bin pasa borgoña, ma kilis ku sedu falsu sin roson e na ten borgoña.

Salmus 69:4

Kilis ku ten odiu di mi sin roson e mas ciu di ki kabelus di ña kabesa; Kilis ku misti matan e ten forsa, e sedu ña inimigus pa mintida, tok N ten ku torna kil ku N ka furta.

Salmus 94:21

Juisis kuruptu ta junta kontra justus, e kondena kilis ku ka ten kulpa, pa e muri.

Saida 14:13

Moisés fala pobu: “Ka bo panta; bo ten koraẑen; bo na jubi kuma ku SIÑOR na libra bos. E ejipsius ku bo na oja aos, nunka mas bo ka na oja elis.

Jeremias 26:15

Ma bo dibi di sibi kuma, si bo matan, bo na tisi sangi di algin ku ka ten kulpa riba di bos, riba de prasa ku tudu jinti ku mora nel, pabia, na bardadi, i SIÑOR ku mandan pa bos, pa N konta bos tudu e palabras.”

Mateus 27:24

Pilatus oja kuma i ka na pudi fasi nada, ma baruju mas na buri nan. I pidi yagu, i laba mon dianti di pobu, i fala: “N ka ten kulpa na mortu de omi justu. Kulpa i di bos.”

Mateus 27:4

i fala elis: “N peka; N ntrega algin inosenti pa i muri.” E puntal: “Ke ku mportanu la? Kila i ku bo!”

Bon Noba di Jesus Kristu ku Jon 15:25

I pa i pudi sedu suma ki sta skritu na se lei: ‘E nfastian sin roson.’

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Filipensis 2:30

pabia i riska si vida, kuas pa muri, pabia di tarbaju di Kristu, pa dan ajuda ku abos bo ka pudi danba.

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

Ŝefis 12:3

Oca ku N oja kuma bo ka na libran, N pui ña vida na pirigu, N bai geria ku fijus di Amon. SIÑOR ntrega elis na ña mon. Pabia di ke ku bo bin aos pa bin geria kontra mi?”

Ŝefis 9:17

Pabia ña pape pui si vida na pirigu, i geria pa bos, i libra bos na mon di midianitas,

1 Samuel 11:13

Saul fala: “Ningin ka na matadu aos, pabia ne dia SIÑOR liberta Israel.”

1 Samuel 14:45

Tropas ruspundi e fala Saul: “Nta Jonatas na matadu, kil ku ngaña e garandi vitoria na Israel? Nunka! No diklara na nomi di SIÑOR bibu kuma, nin un kabelu di si kabesa ka na kai na con, pabia kusa ki fasi aos i ku ajuda di Deus.” Asin tropas libra Jonatas di mortu.

1 Samuel 19:6

Saul seta ke ku Jonatas falal, i jurmenta na nomi di SIÑOR kuma i ka na matadu.

1 Samuel 20:32

Jonatas ruspundi si pape i puntal: “Pabia di ke ki ten ku muri? Ke ki fasi?”

1 Samuel 22:14

Aimelek ruspundi rei i puntal: “Kin ki fiel suma Davi na metadi di tudu bu ŝefis? El i omi di bu fiju, kapiton di bu guardas, i rispitadu ciu na bu kasa.

1 Samuel 28:21

Minjer bai pa Saul, i ojal latidu, i falal: “Ami bu servu N obdisi bu palabra, N pui ña vida na pirigu pa fasi kil ku bu pidin.