1 Samuel 18:8 - BIBLIA - traduson antigu in Krioulo

⁸ Saul paña raiba; ki palabras ka fikal sabi. I fala na si sintidu: “E na da Davi si des milyaris; ami, son milyaris ke dan! Na bardadi, ke ku faltal mas si i ka renansa?”

1 Samuel 18:8 ပူးပေါင်းရင်းမြစ်များ

Kumsada 37:11

Si ermons nveẑaba del, ma si pape rakada ki kusa na si korson.

Kumsada 37:8

Si ermons falal: “Aa! Bu na rena riba di nos? Abo ku na manda riba di nos?” Elis e mas disgosta del pabia di si suñu, ku palabras ki na konta.

1 Reis 2:22

Rei Salomon ruspundi si mame i puntal: “Pabia di ke ku bu pidi ki sunamita Abisag pa Adonias kasa ku el? Suma ki sedu ña ermon mas garandi, bu pudi pidi tambi renu pa el, tudu ku saserdoti Abiatar ku Joab, fiju di Zeruia!”

Ester 3:5

Kontra Aman oja kuma Mardokeu ka ta mpina nin baŝa si dianti, i paña raiba dimas.

Ditus 13:10

Orgulyosu ta tisi son jus; jiresa ta ojadu na kil ku seta konsiju.

Ditus 27:4

Raiba ta fasi dur, i suma turbada, ma kin ku pudi nguenta nveẑa?

Eklesiastis 4:4

N nota kuma i nveẑa di si kumpañer ku ta pui omi tarbaja ciu ku jitu pa i pudi ngaña. Es tambi i bakatela, suma algin ku na serka bentu.

Numerus 11:1

Dia ciga, pobu na ŋuniŋuniba. SIÑOR obil, si raiba lanta; i manda fugu ku yardi na se metadi, i kema un parti di kampamentu di ladu di tras.

Numerus 22:34

Balaon fala anju di SIÑOR: “N fasi mal. N ka sibiba kuma bu firmaba li kontra mi na kamiñu. Gosi ja, si bu ka sta kontenti ku ña bias, N ta riba.”

Tiagu 4:5

Bo kuda kuma Skritura fala amonton kuma, spiritu ku Deus pui na nos i kumboseru?

1 Samuel 13:14

ma gosi bu renu ka na tarda. SIÑOR buska ja un omi ku si korson pudi kontenti ku el, i nomial pa i sedu rei riba di si pobu, pabia bu ka obdisi ordi ku SIÑOR dau.”

1 Samuel 15:28

Samuel falal: “Aos SIÑOR rumpi renu di Israel na bu mon, i dal pa utru, minjor di ki bo.

1 Samuel 16:13

Asin Samuel toma cifri di azeiti, i unjil na metadi di si ermons. Disna di ki dia pa dianti, Spiritu di SIÑOR toma konta di Davi. Samuel lanta, i riba pa Ramá.

1 Samuel 18:9

Disna di ki dia pa dianti, Saul diskunfia di Davi.

1 Samuel 19:1

Saul fala ku si fiju Jonatas ku tudu si ŝefis aserka di mata Davi, ma Jonatas, fiju di Saul, gostaba ciu di Davi,

1 Samuel 20:31

Nkuantu fiju di Jesé sta bibu ne mundu, nin abo nin bu renu ka sta suguru. Manda buskan el gosi-gosi, pabia i dibi di muri.”