1 Samuel 18:30 - BIBLIA - traduson antigu in Krioulo

³⁰ Ora ku ŝefis di filisteus sai pa elis, Davi mas ta ngaña kontra elis di ki tudu ŝefis di Saul; asin i tenba manga di fama.

1 Samuel 18:30 ပူးပေါင်းရင်းမြစ်များ

2 Samuel 11:1

Dipus di un anu, na tempu ku reis kustuma ta bai gera, Davi manda si ŝefis ku Joab, ku tudu tropas di Israel. E bai ngaña fijus di Amon, e taja Rabá. Davi fika na Jerusalen.

2 Samuel 7:9

N staba ku bo na tudu kau ku bu yanda, N bai bu dianti, N kaba ku bu inimigus. N na fasi bu nomi pa i kunsidu, suma nomi di jinti mas garandi na mundu.

2 Reis 1:13

Rei torna manda terseru kapiton ku si sinkuenta omi. Ki kapiton bai, i finka juju dianti di Elias, i falal: “Omi di Deus, N pidiu pa bu da balur pa ña vida ku vida de sinkuenta omi, bu servus.

Salmus 116:15

Jinti ku pertensi Deus, ora ke muri, se mortu ten balur na uju di SIÑOR.

Salmus 119:99

N ten mas ntindimentu di ki tudu ña pursoris, pabia N ta pensa ciu na bu nsinamentus.

Ditus 12:8

Si algin sedu jiru, i na ngabadu, ma kil ku tene menti tortu i na njutidu.

Daniel 1:20

Tudu asuntu ku rei punta elis ku ta iziẑi kuñisimentu ku ntindimentu, i ta oja elis des bias mas jiru di ki tudu diviñaduris ku jambakusis ku staba na tudu si renu.

Lukas 21:15

pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra.

Efésius 5:15

Bo toma sintidu kuma ku bo na yanda. Ka bo yanda suma kil ki ka jiru, ma suma algin jiru.

1 Pedru 2:4

Si bo bin pa el, ku sedu pedra bibu ku omi nega na bardadi, ma ku Deus kuji pabia i di balur,

1 Pedru 2:7

E pedra i ten garandi balur pa bos ku fia, ma pa kilis ku ka fia: “Pedra ku pedrerus nega i bin sedu purmeru pedra di kantu.”

1 Samuel 18:29

Asin Saul mas na sinti medu del, i sedu si inimigu pa restu di si vida.

1 Samuel 18:5

Davi ta baiba tudu kau ku Saul mandal, i ta fasi tudu kusa diritu, tok Saul pul riba di tropas; tudu jinti kontenti ku el, te propi ŝefis di tropas kontenti.

1 Samuel 19:8

Gera torna rebenta mas utru bias. Davi sai i geria kontra filisteus, i ngaña elis ku forsa tok e kuri si dianti.

1 Samuel 2:30

“E ku manda SIÑOR, Deus di Israel, fala kuma, na bardadi, i falaba kuma bu familia ku familia di bu pape na sirbi si dianti pa sempri, ma gosi SIÑOR fala: ‘Gosi ja N ka na seta e kusa! Kilis ku rispitan, N na rispita elis; kilis ku njutin, N na njuti elis.

1 Samuel 26:21

Saul falal: “N yara; riba, ña fiju Davi, pabia N ka na torna buska fasiu mal, suma ku aos bu da ña vida balur. N fasi suma tulu, N yara ciu.”

1 Samuel 26:24

Manera ku N da bu vida balur aos, asin ku N dija pa SIÑOR da ña vida balur, pa i libran di tudu kasabi.”