1 Samuel 18:27 - BIBLIA - traduson antigu in Krioulo

²⁷ Davi lanta, i bai ku si omis, e mata duzentus filisteu; Davi sirkunsida elis, i tisi se prepusius, i ntrega elis kompletu pa rei, pa i pudi kasa ku si fiju. Asin Saul dal si fiju pa i kasa.

1 Samuel 18:27 ပူးပေါင်းရင်းမြစ်များ

2 Samuel 3:13

Davi manda falal: “I sta bon. N na konkorda ku bo, ma son si bu fasi e kusa ku N na pidiu. Ka bu yentra na ña pursensa si bu ka tisin Mikal, fiju di Saul, ora ku bu na bin jubin.”

2 Samuel 3:14

Davi manda tambi jinti pa Isboset, fiju di Saul, ku e rekadu: “Tornan ña minjer Mikal, pabia N paga prepusius di sen filisteu pa N pudi kasa ku el.”

Ŝefis 14:19

Spiritu di SIÑOR bin riba di Sanson ku forsa. I bai pa Askelon, i mata trinta omi di la, i toma se ropa, i da komples pa kilis ku splikalba ki adiviña. I paña raiba, i bai pa kasa di si pape.

1 Samuel 14:49

Fijus di Saul seduba Jonatas, Isvi ku Malkisua. I teneba dus fiju femia; nomi di mas garandi i Merab, di mas pikininu i Mikal.

1 Samuel 18:13

Asin i ranja manera di tira Davi na kasa; i pul suma ŝef di mil soldadu. Davi ta baiba sempri dianti di tropas.

1 Samuel 18:17

Saul fala Davi: “Ali Merab, ña purmeru fiju femia; N na dau el pa bu kasa. N misti son pa bu sirbin ku koraẑen, bu geria geras di SIÑOR.” Ma Saul na falaba na si sintidu kuma i ka el propi ku na pui mon na Davi, ma i filisteus ku na matal.

1 Samuel 18:28

Saul nota kuma SIÑOR staba ku Davi; si fiju Mikal amaba tambi Davi.

1 Samuel 25:44

ma Saul tomaba ja si fiju Mikal, minjer di Davi, i da Palti, fiju di Laís, ku bin di Galin.