1 Samuel 18:14 - BIBLIA - traduson antigu in Krioulo

¹⁴ Tudu ki ta fasiba ta kuri diritu, pabia SIÑOR staba ku el.

1 Samuel 18:14 ပူးပေါင်းရင်းမြစ်များ

Kumsada 39:23

Ŝef di kalabus ka ta kuda ku nada ku staba na mon di José, pabia SIÑOR staba ku José, i ta pui tudu kil ki na fasi pa i kuri diritu.

2 Samuel 5:10

Asin Davi fika i na torna kada bias mas forti, pabia SIÑOR Deus di tudu puder staba ku el.

2 Reis 18:7

Asin SIÑOR staba ku el; tudu kusa ki sai pa bai fasi, i ta kuril diritu. I lanta kontra rei di Asiria, i fika libri del.

1 Kronikas 18:13

i pui kampamentus di tropas na Edon. Tudu jinti di Edon e fika bas di Davi. SIÑOR ta daba Davi vitoria na kualker kau ki bai.

1 Kronikas 18:6

i pui kampamentus di tropas na se tera; sirus fika bas di Davi, e ta paga mpustu. SIÑOR ta daba Davi vitoria na kualker kau ki bai.

2 Kronikas 17:3

SIÑOR staba ku Jeosafá, pabia i yanda na kamiñu ku Davi, si pape, yandaba nel; i ka miti na kusas di Baal,

Salmus 101:2

N na pui sintidu pa yanda na un manera pirfitu, ku jiresa; kal tempu ku bu na bin pa mi? N na yanda na ña kasa ku korson puru.

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Atus 18:10

pabia N sta ku bo; ningin ka na bota mon na bo pa fasiu mal. Manga di jinti ne prasa i di mi.”

Josué 6:27

Fama di Josué laga pa tudu parti di tera, pabia SIÑOR staba ku el.

Ŝefis 1:19

SIÑOR staba ku pobu di Judá; e tira tudu moraduris di montañas, ma e ka tira moraduris di kobon, pabia kilas e teneba karus di feru.

1 Samuel 10:7

Ora ku tudu e sinal kontisi, fasi kil ku bu sinti kuma bu dibi di fasi, pabia Deus sta ku bo.

1 Samuel 16:18

Un di rapasis ruspundi i fala: “N oja un fiju di Jesé di Belen ku sibi toka arpa. I algin di koraẑen ku sibi geria. I ta papia ben, i ten bon parsensa; SIÑOR sta ku el.”

1 Samuel 18:15

Oca Saul nota na manera ku tudu ta kuril diritu, i sinti medu del.

1 Samuel 19:8

Gera torna rebenta mas utru bias. Davi sai i geria kontra filisteus, i ngaña elis ku forsa tok e kuri si dianti.

1 Samuel 3:19

Samuel na kirsiba; SIÑOR staba ku el, i ka disa nin un di si palabras kai na con.