1 Samuel 18:12 - BIBLIA - traduson antigu in Krioulo

¹² Saul tenba medu di Davi, pabia SIÑOR staba ku el, ma i disaba ja Saul.

1 Samuel 18:12 ပူးပေါင်းရင်းမြစ်များ

2 Samuel 5:10

Asin Davi fika i na torna kada bias mas forti, pabia SIÑOR Deus di tudu puder staba ku el.

2 Kronikas 17:3

SIÑOR staba ku Jeosafá, pabia i yanda na kamiñu ku Davi, si pape, yandaba nel; i ka miti na kusas di Baal,

Salmus 51:11

Ka bu serkan bu dianti, nin ka bu tira bu Spiritu Santu na mi.

Salmus 53:5

E staba ku garandi medu nunde ku medu ka tenba, pabia Deus pajiga os di kilis ku atakau. Bu pui elis na borgoña pabia Deus nega elis.

Oseias 9:12

Mesmu ke ciga di kria se fijus, N na roba elis, pa ka i fika nin un son. Ai delis ora ku N bandona elis!

Mateus 25:41

“Dipus i na fala tambi kilis ku sta na si skerda: ‘Bo lunjusi di mi, maldisuadus, pa fugu ku ka ta paga, ku purparadu pa diabu ku si anjus,

Markus 6:20

pabia Erodis sintiba medu del; i sibi kuma Jon i bon omi di Deus, i guardal diritu. Sempri ki papia ku el, i ta fika tarpajadu na si sintidu, ma i gostaba di sukutal na mesmu.

Lukas 8:37

Tudu ki jinti di tera di gadarenus e pidi Jesus pa i sai na se metadi, pabia e staba ku garandi medu. I mbarka, i bai.

Atus 24:25

Oca i kumsa na fala kusa di yanda diritu, ku guberna no vontadi, ku juisu ku na bin, Féliŝ fika ku medu, i falal: “Gosi i justa; bu pudi bai. Ora ku N ten tempu N ta torna comau.”

Atus 7:9

“Kil no papes, suma ke tenba nveẑa di se ermon José, e bindil; i lebadu pa Ejitu, ma Deus staba ku el,

Ŝefis 1:19

SIÑOR staba ku pobu di Judá; e tira tudu moraduris di montañas, ma e ka tira moraduris di kobon, pabia kilas e teneba karus di feru.

Ŝefis 16:20

I falal: “Sanson! Ali filisteus na bin pa bo!” Sanson korda di sonu, i pensa: “N na sai suma ku N tarda ta fasi, N na libra ña kabesa.” Ma i ka sibiba kuma SIÑOR disalba ja.

1 Samuel 16:18

Un di rapasis ruspundi i fala: “N oja un fiju di Jesé di Belen ku sibi toka arpa. I algin di koraẑen ku sibi geria. I ta papia ben, i ten bon parsensa; SIÑOR sta ku el.”

1 Samuel 16:4

Samuel fasi kil ku SIÑOR falal; i bai pa Belen. Garandis di prasa sai pa bai dal kontrada, e na tirmi, e puntal: “Bu visita i di pas?”

1 Samuel 18:15

Oca Saul nota na manera ku tudu ta kuril diritu, i sinti medu del.

1 Samuel 18:20

Mikal, ki utru fiju femia di Saul, i amaba Davi; oca jinti konta Saul, i fika kontenti,

1 Samuel 18:29

Asin Saul mas na sinti medu del, i sedu si inimigu pa restu di si vida.

1 Samuel 20:13

Tambi si ña pape pui sintidu pa fasiu mal, SIÑOR ta kastigan ciu si N ka kontau, pa N disau kapli pa bu bai ku pas. SIÑOR ta sta ku bo suma ki staba ku ña pape.

1 Samuel 22:13

Saul puntal: “Ke ku manda abo ku fiju di Jesé bo filanta pa sta kontra mi, manera ku bu dal pon, ku spada, bu konsulta Deus pa el? Gosi i lanta kontra mi, i na montia tiran vida aos.”

1 Samuel 28:15

Samuel punta Saul: “Ke ku manda bu kordan, bu pun pa N sai?” Saul falal: “N foronta dimas pabia filisteus na geria kontra mi; Deus bandonan; gosi i ka ta kudin, nin pa anunsiaduris, nin na suñu. E ku manda N comau pa bu kontan ke ku N dibi di fasi.”

1 Samuel 3:19

Samuel na kirsiba; SIÑOR staba ku el, i ka disa nin un di si palabras kai na con.