1 Samuel 18:10 - BIBLIA - traduson antigu in Krioulo

¹⁰ Utru dia SIÑOR manda spiritu mau riba di Saul tok i na dispapia na si kasa. Davi na toka arpa suma ki kustuma ta fasi, ma Saul teneba un kañaku na mon.

1 Samuel 18:10 ပူးပေါင်းရင်းမြစ်များ

1 Reis 18:29

E kontinua se gritaria di tardi, te na ora di sakrifisiu, ma e ka obi nin fála, nin rasposta; ningin ka kudi elis.

1 Reis 22:12

Tudu anunsiaduris e anunsia di mesmu manera, e fala: “Bai ataka Ramot-Jilead; bu na ngaña vitoria, pabia SIÑOR na ntregal na mon di rei.”

Jeremias 28:11

i fala dianti di tudu pobu: “Asin ku SIÑOR fala: ‘Asin ku N na kebra kanga di Nabukodonosor, rei di Babilonia; N na tiral na garganti di tudu nasons, dentru di dus anu.’ ” Anunsiadur Jeremias sai i bai si kamiñu.

Atus 16:16

Un dia, oca ku no na bai pa lugar di orason, no kontra ku un bajuda ku teneba spiritu di diviña. I ta ngañaba manga di diñeru pa si mestres ku si diviñason.

2 Tesalonisensis 2:11

E ku manda Deus na manda puder di nganu pa tarbaja nelis, pa e fia na mintida,

Ŝefis 16:20

I falal: “Sanson! Ali filisteus na bin pa bo!” Sanson korda di sonu, i pensa: “N na sai suma ku N tarda ta fasi, N na libra ña kabesa.” Ma i ka sibiba kuma SIÑOR disalba ja.

1 Samuel 16:23

Ora ku Deus manda spiritu mau riba di Saul, Davi ta tomaba arpa, i toka. Asin Saul ta sinti lebiadu; spiritu mau ta sai nel; i ta fika minjor.

1 Samuel 18:9

Disna di ki dia pa dianti, Saul diskunfia di Davi.

1 Samuel 19:10

Saul tenta pregal ku kañaku na paredi, ma Davi libra del; kañaku fidi paredi. Davi kuri i kapli.

1 Samuel 19:7

Jonatas coma Davi, i kontal tudu ki palabra, i lebal nunde Saul. Davi kontinua na sirbi Saul suma ki tarda ta fasi.

1 Samuel 19:9

Un dia ki spiritu mau ku SIÑOR manda i bin mas riba di Saul oca ki sinta na si kasa, ku kañaku na mon. Oca Davi na toka arpa,

1 Samuel 26:19

N pidi Ñu Rei pa i obi e palabra di si servu. Si i SIÑOR ku na lantandau kontra mi, i bon pa i seta un oferta, ma si i omis ku na fasi asin, pa e sedu maldisuadu dianti di SIÑOR, pabia e serkan aos pa N ka ten parti na yardansa di SIÑOR, e na pun pa N bai sirbi utru deusis.