1 Samuel 17:43 - BIBLIA - traduson antigu in Krioulo

⁴³ i puntal: “Ki po i pa ke? Nta ami i kacur?” I maldisua Davi na nomi di si deusis,

1 Samuel 17:43 ပူးပေါင်းရင်းမြစ်များ

Kumsada 27:29

Pa utru jinti sirbiu; nasons pa e mpina bu dianti; pa bu sedu siñor riba di bu ermons; fijus di bu mame pa e mpina bu dianti. Kilis ku ta maldisuau, pa e sedu maldisuadu; kilis ku ta bensuau, pa e sedu bensuadu.”

2 Samuel 16:5

Oca rei Davi na ciga na Baurin, i oja un omi di familia di Saul na sai di la, ku teneba nomi di Simei, fiju di Jera. Kila fika i na koba Davi mal,

2 Samuel 16:9

Abisai, fiju di Zeruia, punta rei: “Pabia di ke ku e kacur mortu na koba Ñu Rei? Disan N bai la pa tiral kabesa.”

2 Samuel 3:8

Abner paña raiba ciu pabia di ki palabra di Isboset, i puntal: “Nta ami i kabesa di kacur na ladu di Judá? Te gosi N sedu fiel pa familia di Saul bu pape, ku si ermons ku si amigus; N ka ntregau na mon di Davi, ma aos bu na dan kulpa pabia di maldadi di un minjer.

2 Samuel 9:8

I torna mpina, i puntal: “Kin ki ami, bu servu, pa bu pudi nota pa mi, ku sedu suma un kacur mortu?”

1 Reis 20:10

Ben-Adad manda fala Akab: “N na bin ku manga di tropa ku nin reia di Samaria ka na ciga pa inci mon di kada kin. Si N ka fasi asin, deusis ta matan!”

2 Reis 8:13

Azael falal: “Ami i ka ningin, N sta suma kacur. Nunde ku N pudi ten forsa pa fasi un kusa garandi suma kila?” Eliseu falal: “SIÑOR mostran kuma bu na sedu rei di Siria.”

Ditus 26:2

Maldison ku ka mersidu i ka na bai na algin, suma ku kacus e ta bua e pasa.

Numerus 22:6

Di fabur, bin maldisuan e pobu, pabia e forti dimas pa mi. Asin talves N pudi ngaña elis, N tira elis fora de tera, pabia N sibi kuma kil ku bu bensua, i ta sedu bensuadu; kil ku bu maldisua, i ta sedu maldisuadu.”

Ŝefis 9:27

Un dia e bai pa orta, e bai kuji uvas, e pirmi elis, e fasi sirmonia, e bai pa baloba di se deus, e kume, e bibi, e na papia mal di Abimelek.

1 Samuel 14:12

Dipus e coma Jonatas ku si rapas di arma, e fala elis: “Bo subi nunde nos pa no nsina bos un kusa.” Jonatas fala si rapas di arma: “Subi ña tras, pabia SIÑOR ntrega elis na mon di Israel.”

1 Samuel 24:14

“Kin ku rei di Israel sai si tras? Kin ki na serka? Un kacur mortu? Un pulga?

1 Samuel 24:15

SIÑOR na sedu juis, i na julga na metadi di mi ku bo, i na jubi ña kasu, i na pursenta ña roson, i na libran na bu mon.”