1 Samuel 17:28 - BIBLIA - traduson antigu in Krioulo

²⁸ Eliab, si ermon mas garandi, obil i na papia ku ki omis; i paña raiba di Davi, i puntal: “Ke ku bu bin fasi li? Kin ku bu fika ku ki puku karnel la na lala? N kunsi bu orgulyu, ku maldadi di bu pensamentu! Bu bin son pa bin jubi gera.”

1 Samuel 17:28 ပူးပေါင်းရင်းမြစ်များ

Kumsada 37:11

Si ermons nveẑaba del, ma si pape rakada ki kusa na si korson.

Kumsada 37:4

Oca si ermons oja kuma se pape amal mas di ki elis tudu, e disgosta del; e ka pudiba ja papia ku el ku pas.

Kumsada 37:8

Si ermons falal: “Aa! Bu na rena riba di nos? Abo ku na manda riba di nos?” Elis e mas disgosta del pabia di si suñu, ku palabras ki na konta.

2 Kronikas 11:18

Reoboan kasa ku Maalat, fiju di Jerimot, fiju di Davi. Mame di Maalat seduba Abiail, fiju di Eliab, fiju di Jesé.

Salmus 35:11

Tustumuñas falsu ta lanta, e ta pui kusas riba di mi ku N ka sibi nada del.

Ditus 18:19

Ermon ofindidu i mas kansadu pa ngaña di ki prasa forti. Jus i suma feŝu na porton di kuartel.

Ditus 27:4

Raiba ta fasi dur, i suma turbada, ma kin ku pudi nguenta nveẑa?

Eklesiastis 4:4

N nota kuma i nveẑa di si kumpañer ku ta pui omi tarbaja ciu ku jitu pa i pudi ngaña. Es tambi i bakatela, suma algin ku na serka bentu.

Mateus 10:36

Asin inimigu di algin i ta sedu si propi familia.

Mateus 27:18

I sibiba kuma e ntregalba pabia di nveẑa.

Markus 3:21

Oca si familia obi de kusa, e bai buskal, pabia jinti na fala kuma si kabesa ka sta diritu.

Judas 1:10

Ma e jinti e ta tene palabra mau di kusas ke ka ntindi. I ten utru kusas ke ta ntindi suma ku limaria ku ka ta kuda ta ntindi. I e kusas propi ku ta dana elis.

1 Samuel 16:13

Asin Samuel toma cifri di azeiti, i unjil na metadi di si ermons. Disna di ki dia pa dianti, Spiritu di SIÑOR toma konta di Davi. Samuel lanta, i riba pa Ramá.

1 Samuel 16:7

Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”

1 Samuel 17:29

Davi puntal: “Nta ke ku N fasi? N ka pudi punta?”