1 Samuel 16:7 - BIBLIA - traduson antigu in Krioulo

⁷ Ma SIÑOR fala Samuel: “Ka bu mporta ku si parsensa, manera ki altu asin, pabia N negal. SIÑOR ka ta jubi manera ku omi ta jubi, pabia omi ta jubi kil ku sta dianti di si uju, ma SIÑOR ta jubi korson.”

1 Samuel 16:7 ပူးပေါင်းရင်းမြစ်များ

Kumsada 4:5

ma i ka risibi Kain nin si oferta. Kain paña raiba, tok si rostu muda.

2 Samuel 14:25

Na tudu Israel i ka tenba omi ku ta ngabadu pa si bonitasku suma Absalon. Disna di planta di pe te na kabesa i ka teneba nin un difeitu.

2 Samuel 7:20

“Ke mas ku N pudi falau? Bu kunsi bu servu Davi diritu, o SIÑOR Deus!

1 Kronikas 17:18

Ke mas ku N pudi fala aserka di onra ku bu fasin, ami Davi, bu servu? Bu kunsi bu servu diritu.

1 Kronikas 28:9

“Abo Salomon, ña fiju, rikuñisi Deus di bu papes, bu sirbil ku tudu bu korson, ku pruntidon di spiritu, pabia SIÑOR ta rabista tudu korson, i ta kunsi tudu motivu ku sta tras di kada pensamentu. Si bu buskal bu na ojal, ma si bu disal, i na negau pa sempri.

2 Kronikas 16:9

pabia uju di SIÑOR ta pasa pa tudu parti di mundu, pa fortifika kilis ku tene korson pirfitu pa el. Bu fasi kusa tulu; disna di gosi gera na ten kontra bo.”

Jo 10:4

Bu tene uju suma di omi, pa bu pudi jubi kusas suma ku omi ta jubi?

Jo 35:5

Yalsa uju pa riba, bu jubi pa seu; jubi diritu pa ki nuvens altu ku sta riba di bo.

Salmus 139:2

Bu sibi ora ku N na sinta, ku ora ku N na lanta; di lunju bu ta ntindi ña pensamentu.

Salmus 7:9

Kaba ku maldadi di jinti mau, bu firmanta jinti justu, pabia abo, Deus justu, bu ta spurmenta pensamentus ku korson.

Ditus 15:11

SIÑOR pudi jubi dentru di mundu di mortus, ku fadi korson di omis.

Ditus 16:2

Omi pudi pensa kuma tudu ki fasi i bon, ma SIÑOR na pesa si motivus na balansu.

Ditus 24:12

Bu pudi fala: “No ka sibi nada.” Nta kil ku ta julga korson i ka na rapara bu motivu? Kil ku ta guarda bu vida i na sibi. I na paga omi konformi kil ki fasi.

Ditus 31:30

Bonitasku ta ngana, i ta pasa, ma minjer ku ta rispita SIÑOR i na ngabadu.

Jeremias 11:20

O SIÑOR ku ten tudu puder, ku sedu Juis justu, ku ta proba pensamentu ku korson, N misti oja bu vingansa riba delis; N ntrega ña kasu na bu mon.

Jeremias 17:10

“Ami, SIÑOR, N ta rabista korson, N ta spurmenta pensamentus; N ta paga kada algin konformi si manera di yanda, ku kusas ki fasi.”

Jeremias 20:12

O SIÑOR ku ten tudu puder, abo ku ta proba kilis ku sedu bon, bu ta jubi pensamentu di korson; disan pa N jubi bu vingansa kontra elis, pabia N ntregau ña kasu.

Lukas 16:15

Jesus fala elis: “Abos i kilis ku ta misti mostra sedu bon dianti di jinti, ma Deus i kunsi bo korson, pabia kil ku omi ta garandisi, pa Deus i nujenti.

Bon Noba di Jesus Kristu ku Jon 7:24

Ka bo julga son na parsensa di fora, ma bo julga konformi kil ki justu.”

Bon Noba di Jesus Kristu ku Jon 8:15

Abos bo ta julga julgamentu di omi, ma ami N ka ta julga ningin.

Atus 1:24

Dipus e ora, e fala: “Siñor, i abo ku kunsi korson di tudu jinti; mostra kal de dus ku bu kuji

2 Koríntius 10:10

Utru jinti ta fala: “Si karta forti, i pisadu, ma ora ki sta juntu ku nos i ka ta ten nin forsa; si palabra ka ta ten balur.”

2 Koríntius 10:7

Bo na jubi pa kusas suma ki ta parsi. Si i ten algin la ku fiansa kuma el i di Kristu, pa i pensa utru bias na si kabesa. Suma ki sedu di Kristu, asin tambi ku no sedu.

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.

1 Pedru 2:4

Si bo bin pa el, ku sedu pedra bibu ku omi nega na bardadi, ma ku Deus kuji pabia i di balur,

1 Pedru 3:4

ma bo fajamentu i di dentru di korson, un bistimentu ku ka ta dana, ku sedu spiritu mansu, ketu, ku ten balur dianti di Deus.

Apokalipsi 2:23

N na mata si fijus. Tudu igreẑas na bin sibi kuma ami i kil ku ta rabista korson ku pensamentu di jinti; N na da kada un di bos konformi kil ki fasi.

1 Samuel 2:3

“Ka bo njata ciu ku orgulyu, nin ka bo disa palabras di njatamentu sai na bo boka, pabia SIÑOR i Deus ku ta sibi tudu; el ku ta pesa obras di jinti na balansu.

1 Samuel 9:2

Kis teneba un fiju comadu Saul, un joven bonitu; i ka tenba utru mas bonitu na metadi di israelitas. Desdi ombra pa riba, i mas kumpridu di ki kualker utru.