1 Samuel 16:5 - BIBLIA - traduson antigu in Krioulo

⁵ I fala elis: “Sin, i di pas. N bin sakrifika pa SIÑOR. Bo purifika bo kurpu, bo bin ku mi pa no bai sakrifika.” El propi i purifika Jesé ku si fijus, i kumbida elis pa sakrifisiu.

1 Samuel 16:5 ပူးပေါင်းရင်းမြစ်များ

Kumsada 35:2

Jakó fala si familia ku tudu kilis ku staba ku el: “Bo tira deusis strañu ku sta na bo metadi. Bo purifika, bo torkia bo ropa.

1 Reis 2:13

Un dia Adonias, fiju di Ajit, i bai nunde Bateseba, mame di Salomon. Kila puntal: “Bu visita i di amigu?” I falal: “Sin, i di amigu.”

1 Kronikas 12:18

Spiritu yentra na Amasai, kil ku, mas tardi, bin sedu ŝef di ki trinta, i fala: “O Davi, no sedu di bo! O fiju di Jesé, no sta ku bo! Pas, pas ta sta ku bo! Pas ta sta ku kil ku na judau! Bu Deus i bu Judadur.” Asin Davi risibi elis, i fasi elis kapitons di tropas.

Jo 1:5

Dipus di un tempu di festa, Jo ta coma si fijus, i purifika elis, i ta mandurga pa pursenta ofertas kemadu, konformi numeru delis tudu, pabia i ta fala: “Talves ña fijus fasi pekadu, e papia mal di Deus na se korson.” Asin ku Jo ta fasiba sempri.

Saida 19:10

SIÑOR ruspundi i fala Moisés: “Bai pa elis, bu purifika elis aos ku amaña, pa e kontra ku mi. E ta laba se ropa,

Joel 2:16

Bo junta pobu, bo purpara elis pa runion sagradu, bo junta garandis, bo junta mininus, ku kilis ku na mama; noivu ku noiva pa e disa se kuartu, e bin.

Sofonias 1:7

Kala dianti di SIÑOR Deus, pabia dia di SIÑOR sta pertu. SIÑOR purpara un sakrifisiu, i santifika si kumbidadus.

Numerus 11:8

Ora ku serenu kai di noti na kampamentu, maná ta kai juntu ku el. Jinti ta sai pa kujil, e ta ralal, o e pilal; e ta kusñal na panela, e ta fasi bulus. Si gustu ta parsi kusa ku kusñadu ku azeiti di olivera fresku.

1 Koríntius 11:28

E ku manda, kada un dibi di jubi si korson purmeru; dipus i ta kume pon, i bibi na kopu,

Josué 3:5

Josué fala pobu tambi: “Bo purifika bo kurpu, pabia amaña SIÑOR na fasi kusas garandi na bo metadi.”

Josué 7:13

“Lanta, bu purifika pobu, bu fala elis: ‘Bo purifika pa amaña, pabia asin ku SIÑOR Deus di Israel fala: Israel, kusas ku Deus fala pa dana e sta na bo metadi. Bo ka pudi firma dianti di bo inimigus tementi bo ka tira na bo metadi ki kusas ku dibi di danadu.

1 Samuel 20:26

Saul ka fala nada na ki dia, pabia i pensa kuma sertamenti Davi sta impuru; yar un kusa kontisi ku el ku pul pa i ka sta puru.