1 Samuel 16:21 - BIBLIA - traduson antigu in Krioulo

²¹ Asin Davi bai pa Saul, i fika na si sirvis. Saul gostaba ciu del. I bin sedu rapas ku ta leba material di gera di Saul.

1 Samuel 16:21 ပူးပေါင်းရင်းမြစ်များ

Kumsada 41:46

I teneba idadi di trinta anu kontra i yentra na sirvis di Faraó, rei di Ejitu. José sai na pursensa di Faraó, i yanda na tudu tera di Ejitu.

1 Reis 10:8

Sortiadu i bu omis! Sortiadu i bu ŝefis ku sta sempri bu dianti, e na obi bu palabras di jiresa.

Salmus 118:9

I minjor fiansa na SIÑOR di ki fiansa na reis.

Salmus 146:3

Ka bu fiansa na reis, nin na omis, pabia e ka pudi salba.

Salmus 62:9

Omis di katigoria bas e ka sedu nada; kilis di altu katigoria e fufu. Elis tudu juntu, si e pesadu na balansu, e ta ojadu mas lebi di ki bentu.

Ditus 22:29

Bu oja un omi ku ta tarbaja diritu? I na bin kolokadu na tarbaju di rei; i ka na tarbaja pa kualker algin.

Ripitison di Lei 1:38

ma bu judadur, Josué, fiju di Nun, i na yentra la. Nkoraẑal, pabia i el ku na leba Israel pa e yarda ki tera.”

Ripitison di Lei 10:8

Na ki tempu SIÑOR separa jorson di Levi pa e leba arka di kontratu di SIÑOR, pa e firma si dianti pa sirbil suma saserdotis, pa bensua jinti na si nomi. E ta fasi kila te aos.

Ŝefis 9:54

Logu i coma rapas ku ta lebal si material di gera, i falal: “Tira bu spada, bu matan, pa jinti ka bin fala kuma i un minjer ku matan.” Rapas fural ku spada; i muri.

1 Samuel 16:22

Saul manda fala Jesé: “Disa Davi pa i fika na ña sirvis, pabia N kontenti ku el.”

1 Samuel 17:15

ma Davi, utru ora i ta bai pa Saul, utru ora i ta riba pa Belen pa bai bakia karnel di si pape.

1 Samuel 17:55

Oca Saul na jubi Davi na bai pa kontra ku ki filisteu, i punta Abner, ŝef di tropas: “Abner, ki rapas i fiju di kin?” Abner falal: “Na bardadi, Ñu Rei, N ka sibi.”

1 Samuel 19:7

Jonatas coma Davi, i kontal tudu ki palabra, i lebal nunde Saul. Davi kontinua na sirbi Saul suma ki tarda ta fasi.