1 Samuel 15:29 - BIBLIA - traduson antigu in Krioulo

²⁹ Deus ku sedu Forsa di Israel i ka ta konta mintida, nin i ka ta muda sintidu, pabia i ka sedu omi ku ta muda sintidu.”

1 Samuel 15:29 ပူးပေါင်းရင်းမြစ်များ

1 Kronikas 29:11

Abo, SIÑOR, i garandi; bu ten puder ku rispitu ku vitoria; abo i Rei gloriosu. Tudu ku sta na seu ku tera i di bo. Renu i di bo, SIÑOR; abo i kabesa ku sta riba di tudu.

Salmus 29:11

SIÑOR na da forsa pa si pobu; i na bensua elis ku pas.

Salmus 68:35

O Deus, abo i meduñu na bu kau sagradu! Deus di Israel ta da forsa ku puder pa si pobu. Deus mersi ngabadu!

Salmus 95:11

Asin N jurmenta na ña raiba kuma e ka na yentra na ña lugar di diskansu.”

Isaias 45:24

E na fala aserka di mi kuma, son na SIÑOR ku justisa ku forsa ta ojadu.” Tudu kilis ku raiba kontra el e na bin pa el, e na pasantadu borgoña.

Ezekiel 24:14

Ami, SIÑOR, N fala: Tempu ciga; N na toma midida; N ka na riba tras, N ka na purdau, nin N ka na muda ideia. Bu na julgadu konformi bu kamiñu ku kusas ku bu fasi. Asin ku SIÑOR Deus fala.”

Joel 3:16

SIÑOR na papia risu na Sion, i na yalsa vos forti na Jerusalen; seu ku tera na tirmi, ma SIÑOR na sedu kau suguru pa si pobu, kau forti pa fijus di Israel.

Numerus 23:19

Deus i ka omi ku ta konta mintida, nin i ka fiju di omi ku ta muda di ideia. Nta i ta fala un kusa, i ka bin fasil? I ta da purmesa, i ka bin kumpril?

2 Koríntius 12:9

ma i falan kuma si grasa justan, pabia si puder i ta mas sta kompletu si N sta fraku. Asin, N ta kontenti pa njata na ña frakesa, pa puder di Kristu pudi sta riba di mi.

Ripitison di Lei 33:27

Deus ku ka ten kumsada nin kabantada i bu moransa suguru; si brasus iternu sta bas di bo. I ta serka bu inimigu bu dianti, i fala: ‘Kaba ku el!’

Filipensis 4:13

N ten forsa pa tudu kusa pabia di Kristu ku ta dan puder.

2 Timótiu 2:13

Si no ka sedu fiel, el i na sedu fiel na mesmu, pabia i ka pudi nega si kabesa.”

Titu 1:2

na speransa di vida ku ka ta kaba. Deus, ku ka ta konta mintida, falaba ja antis di kumsada di tempu, kuma i na danu e vida.

Ebreus 6:18

Asin i ten e dus kusa ku ka pudi maina, ku Deus ka pudi konta mintida pa el, ku ta danu koraẑen, anos ku sta suguru, manera ku no pega na speransa ku sta no dianti.

Ebreus 7:21

ma pa e saserdoti Deus jurmenta, i falal: “Siñor jurmenta, i ka na maina: ‘Abo i saserdoti pa sempri.’ ”