1 Samuel 14:50 - BIBLIA - traduson antigu in Krioulo

⁵⁰ Nomi di minjer di Saul i Ainoan, fiju di Aimaaz. Nomi di ŝef garandi di tropas i Abner, fiju di Ner, ku seduba tiu di Saul.

1 Samuel 14:50 ပူးပေါင်းရင်းမြစ်များ

2 Samuel 2:8

Oca ke kusas na kontisi, Abner, fiju di Ner, ŝef garandi di tropas di Saul, i toma Isboset, fiju di Saul, i kamba Jordon ku el pa Maanain,

2 Samuel 3:27

Oca Abner riba pa Ebron, Joab tomal, i lebal pa un kau na porton, i fasi suma i misti papia ku el na sigridu. La na ki kau i fidil na bariga, i matal, pa i pudi vinga mortu di si ermon Asael.

2 Samuel 3:38

Rei punta si omis: “Bo ka sibi kuma un ŝef garandi muri aos na Israel?

2 Samuel 3:6

Konformi gera na kontinua entri jinti di Davi ku jinti di familia di Saul, Abner fika i na torna mas forti na metadi di jinti di Saul.

1 Kronikas 26:28

Tudu ku anunsiadur Samuel dedika, ku Saul, fiju di Kis, ku Abner, fiju di Ner, ku Joab, fiju di Zeruia, es tudu staba guardadu na mon di Selomit ku si parentis.

1 Samuel 10:14

Tiu di Saul ojal ku si kriadu, i punta elis: “Nunde ku bo bai?” I falal: “No bai buska burus; manera ku no ka oja elis, no bai pa Samuel.”

1 Samuel 17:55

Oca Saul na jubi Davi na bai pa kontra ku ki filisteu, i punta Abner, ŝef di tropas: “Abner, ki rapas i fiju di kin?” Abner falal: “Na bardadi, Ñu Rei, N ka sibi.”

1 Samuel 26:5

Davi lanta, i bai pa kau nunde ku Saul kampaba nel. I nota nunde ku Saul dita, ku Abner, fiju di Ner, kapiton di si tropas. Saul dita na metadi di kampamentu; tropas kampa na si roda.