1 Samuel 14:15 - BIBLIA - traduson antigu in Krioulo

¹⁵ I tenba garandi medu na kampamentus; tudu tropas di filisteus ku ki grupus ku saiba e na tirmiba ku medu, tok con propi tirmi, pabia i Deus ku mandaba ki garandi sustu.

1 Samuel 14:15 ပူးပေါင်းရင်းမြစ်များ

Kumsada 35:5

E bai. Medu di Deus kai riba di ki prasas na roda delis. Asin e ka kuri tras di fijus di Jakó.

2 Samuel 5:24

Ora ku bu obi un baruju suma jinti na marŝa la riba, na metadi di amoreras, bu ta bai kinti-kinti, pabia i ta kontra SIÑOR sai bu dianti pa ngaña tropas di filisteus.”

Jo 18:11

Kusas meduñu na pantandal na tudu ladu, e na serkal na tudu kau ki kuri pa el.

Salmus 14:5

Ali e sta ku garandi medu, pabia Deus sta na ladu di justus.

Saida 19:18

Tudu monti di Sinai na fumaba, pabia SIÑOR disiba riba del ku fugu. Ki fumu na subiba suma fumu di un furnu garandi. Tudu monti na tirmiba ku forsa.

Daniel 5:6

Si rostu bida brankasenti pabia di medu ki sinti; si rabada bida moli tok si jujus na maja ŋutru.

Mateus 24:6

Bo na obi baruju di gera pertu, ku noba di gera lunju, ma ka bo panta, pabia e kusas ten ku kontisi, ma inda i ka fin di mundu.

Josué 2:9

i fala elis: “Bardadi, N sibi kuma SIÑOR da bos e tera, tambi N sibi kuma un medu garandi pa bos kai riba di nos; tudu jinti ku mora ne tera, se korson na dismaja pabia di bos,

Ŝefis 7:21

Kada kin fika na si lugar na roda di kampamentu. Tudu ki tropas di midianitas e rinka kuri, e na grita.

1 Samuel 13:17

Tropas filisteu ta saiba na se kampamentus na tris grupu pa bai ataka. Un grupu ta bai pa Ofra na con di Sual,

1 Samuel 13:18

utru ta bai pa Bet-Oron, utru ta bai pa kamiñu di frontera di nunde ku bu pudi oja Kobon di Zeboin na ladu di lala.

1 Samuel 13:23

Filisteus manda un grupu di soldadu pa e guarda kamiñu di Mikmás.

1 Samuel 14:14

Na ki purmeru nkontru Jonatas ku si rapas e mata serka di vinti omi na un kau ku pudi midi dus mil metru kuadradu.

1 Samuel 14:16

Sintinelas di Saul na Jibeá di Benjamin e oja ki multidon di tropas na pajiga, e na kurkuri, e na maja ŋutru na kunfuson.

1 Samuel 7:10

Oca ku Samuel na sakrifikaba inda ki oferta kemadu, filisteus ciga pa geria kontra Israel. Na ki ora SIÑOR turmenta ku garandi turbada riba di filisteus, i miti elis na kunfuson tok e panta, e kuri dianti di israelitas.