1 Samuel 12:23 - BIBLIA - traduson antigu in Krioulo

²³ Pa ña parti, SIÑOR ta judan pa N ka fasi e pekadu kontra el, di para ora pa bos, ma N na nsina bos kamiñu bon i justu.

1 Samuel 12:23 ပူးပေါင်းရင်းမြစ်များ

1 Reis 8:36

la na seu bu ta obi, bu purda pekadu di bu servus ku di bu pobu Israel, bu nsina elis ki bon kamiñu ke dibi di yanda nel, bu manda cuba na bu tera ku bu da bu pobu suma yardansa.

2 Kronikas 6:27

la na seu bu ta obi, bu purda pekadu di bu servus ku bu pobu Israel, bu nsina elis ki bon kamiñu ke dibi di yanda nel, bu manda cuba na bu tera ku bu da bu pobu suma yardansa.

Salmus 122:6

Bo ora pa pas di Jerusalen: “Kilis ku amau, pa kusas kuri elis diritu;

Salmus 34:11

Ña fijus, bo bin, bo sukutan; N na nsina bos manera di rispita SIÑOR.

Salmus 34:12

Kin di bos ku gosta di vida, i misti vida kumpridu ku sabura?

Saida 32:30

Mansi di ki dia Moisés fala pobu: “Abos bo fasi pekadu garandi, ma gosi N na subi pa SIÑOR pa jubi si N ta buska purdon pa bo pekadu.”

Ditus 4:11

N nsinau kamiñu di jiresa, N pou pa bu yanda na kamiñu diritu.

Eklesiastis 12:10

Filósofu tambi i buska palabras bonitu; kusas ki skirbi i palabra di bardadi ku retidon.

Isaias 30:21

Ora ku bu na disvia pa direita o skerda, bu na obi vos di kil ku sta bu tras, ku na fala: “Es ki kamiñu; bo yanda nel.”

Jeremias 15:1

SIÑOR falan: “Mesmu ku Moisés ku Samuel firmaba ña dianti, ña korson ka na baiba pa e pobu. Tira elis ña dianti pa e bai.

Jeremias 27:18

Si kontra e sedu anunsiaduris, si palabra di SIÑOR sta ku elis, e ta ora pa SIÑOR ku ten tudu puder, pa ki rikesa ku fika na kasa di SIÑOR, kasa di rei di Judá, ku na Jerusalen, pa ka i lebadu pa Babilonia.

Jeremias 42:4

Anunsiadur Jeremias fala elis: “N obi; N na ora SIÑOR bo Deus suma ku bo pidin; tudu ku SIÑOR fala, N na konta bos el; N ka na sukundi bos nada.”

Jeremias 6:16

SIÑOR fala si pobu: “Bo bai firma na ntronkamentu, bo jubi, bo buska kamiñu antigu, bo punta kal ki bon kamiñu, bo yanda nel; asin bo ta oja diskansu pa bo vidas.” Ma e fala: “No ka na yanda nel.”

Atus 12:5

Asin Pedru staba guardadu na kalabus, ma igreẑa ka para pidi Deus pa el.

Atus 20:20

Bo sibi kuma N ka sukundi nada ku pudi juda bos, ma N konta bos tudu; N nsina dianti di tudu jinti, N nsina tambi na kada kasa.

Romanus 1:9

Deus i ña tustumuña, ku N ta sirbi ku tudu ña korson, manera ku N ta konta Bon Noba di si Fiju. I sibi kuma N ta lembra di bos sempri

1 Koríntius 9:16

Si N na konta Bon Noba, N ka ten roson di njata, pabia N sinti obrigason pa fasil. Ai di mi si N ka konta e Bon Noba!

Kolosensis 1:28

No ta konta Bon Noba di Kristu pa tudu jinti. Ku tudu jiresa no ta avisa tudu jinti, no nsina elis, pa no pudi pursenta kada un suma algin maduru na si ligason ku Kristu.

Kolosensis 1:9

Pa e roson anos tambi, disna di dia ku no obi e noba, no ka para ora pa bos; no pidi Deus pa i inci bos di kuñisimentu di si vontadi, ku tudu jiresa ku ntindimentu ku Spiritu ta da,

1 Tesalonisensis 3:10

Di dia ku di noti no ta pidi ku tudu no korson pa i disanu oja bos utru bias, pa no pudi buri bos kil ku na falta na bo fe.

2 Timótiu 1:3

N ta fala Deus obrigadu, kil ku N ta sirbi ku bon konsiensia suma ku ña papes antigu fasi; N ta gardisil sempri, ora ku N na coma bu nomi na orason di noti ku di dia.

1 Samuel 12:19

E fala Samuel: “Roga SIÑOR bu Deus pa bu servus, pa ka no muri, pabia riba di tudu no pekadu no buri e mal, di pidi un rei.”

1 Samuel 8:6

Samuel ka fika kontenti ku ki palabra manera ke fala pa i da elis un rei ku na ba ta julga elis. Asin Samuel papia ku SIÑOR.