1 Samuel 1:19 - BIBLIA - traduson antigu in Krioulo

¹⁹ E lanta mandrugada, e adora dianti di SIÑOR, e riba pa se kasa na Ramá. Elkana dita ku Ana si minjer; SIÑOR lembra del.

1 Samuel 1:19 ပူးပေါင်းရင်းမြစ်များ

Kumsada 21:1

SIÑOR mostra fabur pa Sara suma ki falaba, i fasi Sara ki kusa ki kontalba.

Kumsada 30:22

Deus lembra di Rakel, i kudil, i toka na si kurpu.

Kumsada 4:1

Adon dita ku si minjer. Eva preña, i padi un fiju comadu Kain, i fala: “Ku ajuda di SIÑOR N tene un fiju macu.”

Kumsada 8:1

Deus lembra di Noe ku tudu limarias ku staba ku el na barku. I fasi bentu pasa riba di tera; yagu kumsa na baŝa.

2 Reis 4:17

Minjer bin preña, i padi un fiju na ki tempu di utru anu, suma ku Eliseu falalba.

Salmus 119:147

N ta lanta antis di sol mansi, N comau pa sakur; N pui ña speransa na bu palabra.

Salmus 136:23

I lembra di nos oca no umilyadu, Si bondadi i pa sempri.

Salmus 25:7

Ka bu lembra di pekadus ku N fasi ocan nobu, manera ku N kebra bu lei, ma lembra di mi, SIÑOR, konformi bu amor ku bondadi.

Salmus 5:3

Parmaña bu ta obi ña vos, o SIÑOR; parmaña N na pursenta ña orason, N fika N na pera.

Salmus 55:17

Di tardi, di parmaña ku me-dia, N na jimi, N keŝa si dianti; el i na obi ña vos.

Markus 1:35

Parmaña sedu, oca kau sukuru inda, Jesus lanta, i sai, i bai pa un lugar dingidu fora di tabanka pa fasi orason.

Lukas 23:42

Dipus i fala: “Jesus, lembra di mi ora ku bu yentra na bu renu.”

Josué 18:25

Jibeon, Ramá, Beerot,

1 Samuel 1:1

I tenba un omi di Ramatain di Zofin, na montaña di Efrain; si nomi i Elkana, fiju di Jeroan, fiju di Eliu, fiju di Tou, fiju di Zuf, efrateu.

1 Samuel 1:11

i fasi votu i fala: “SIÑOR ku ten tudu puder! Si bu jubi pa ña kasabi, bu lembra di mi, bu ka diskisi di bu servu, ma bu dan un fiju macu, N na ntrega SIÑOR el tudu tempu di si vida; faka ka na pasa na si kabelu.”

1 Samuel 15:34

Samuel bai pa Ramá; Saul bai pa si kasa na Jibeá di Saul.

1 Samuel 16:13

Asin Samuel toma cifri di azeiti, i unjil na metadi di si ermons. Disna di ki dia pa dianti, Spiritu di SIÑOR toma konta di Davi. Samuel lanta, i riba pa Ramá.

1 Samuel 19:18

Asin Davi kuri, i kapli, i bai pa Samuel na Ramá, i kontal tudu ku Saul fasil. El ku Samuel e bai fika na Naiot.

1 Samuel 2:11

Elkana bai pa si kasa na Ramá, ma mininu fika na mon di saserdoti Eli, i na sirbi SIÑOR.

1 Samuel 25:1

Samuel bin muri; tudu Israel junta e coral, e nteral na si kasa na Ramá. Dipus Davi lanta i bai pa lala di Paran.

1 Samuel 7:17

ma i ta riba pa Ramá pabia la ku si kasa staba; i ta julgaba Israel di la. I kumpu un altar la pa SIÑOR.

1 Samuel 8:4

Tudu garandis di Israel junta, e bai pa Samuel na Ramá,

1 Samuel 9:26

E lanta mandrugada, oca sol pertu sai. Samuel coma Saul la riba di kasa, i falal: “Lanta, N na dispidiu.” Saul lanta; el ku Samuel e sai fora.