1 Samuel 1:15 - BIBLIA - traduson antigu in Krioulo

¹⁵ Ana ruspundi i falal: “Nau Siñor, N ka cami. Ami i un minjer ku sta tristi dimas. N ka bibi nin biñu nin bibida forti, ma N darma ña korson dianti di SIÑOR.

1 Samuel 1:15 ပူးပေါင်းရင်းမြစ်များ

Jo 30:16

“Gosi ña vida na kaba puku puku, dias di sufrimentu toma konta di mi.

Salmus 143:6

N ta distindi ña mon pa bo, ña alma ta faima pa bo suma ku tera seku ta misti cuba. Sela

Salmus 42:4

N ta sinti ña korson na kebra ora ku N lembra manera ku N ta baiba ku manga di jinti pa kasa di Deus, oca ku N ta kantaba ku kontentamentu pa ngaba Deus, na metadi di manga di jinti ku na baiba festival.

Salmus 62:8

Ña pobu, bo fiansa nel sempri, bo kontal tudu ku sta na bo korson. Deus i no kau di suguransa. Sela.

Salmus 62:9

Omis di katigoria bas e ka sedu nada; kilis di altu katigoria e fufu. Elis tudu juntu, si e pesadu na balansu, e ta ojadu mas lebi di ki bentu.

Ditus 14:10

Kada korson i kunsi si propi kasabi ku si kontentamentu; algin strañu ka pudi toma parti ku el.

Ditus 15:1

Bon rasposta ta kalma raiba, ma palabra duru i ta lantandal.

Ditus 25:15

Ku pasensa bu pudi konvensi rei; ku palabras kalmu bu pudi kebranta os.

Miskiñu di Jeremias 2:19

Lanta manga di bias di noti, bu coma SIÑOR. Konta SIÑOR tudu ku sta na bu korson; tiral suma korenti di yagu. Yalsa bu mon pa el pa vida di bu fijus pikininu ku na dismaja ku fomi na entrada di tudu ruas di prasa.

1 Samuel 1:16

Ka bu toma bu servu suma minjer mau, pabia N papia te gosi na ña kasabi, ku manga di tristesa.”

1 Samuel 7:6

Oca ke junta la, e kata yagu, e darmal dianti di SIÑOR, e junjuŋa ki dia, e fala: “No peka kontra SIÑOR.” (I na Mizpá ku Samuel ta fasiba justisa pa fijus di Israel.)